Fréttir

Áfangakynningar á Mikagarði

Í dag milli kl. 9:00 og 12:00 kynna kennarar áfangaframboð næstu annar. Nemendur eru hvattir til að kíkja við og skoða það sem í boði er.

Fylgdu okkur á Instagram

MH hefur haldið úti Facebook síðu í mörg ár, eins og sést hér neðarlega vinstra megin á heimasíðu skólans. Sú síða hefur sýnt allt það helsta sem er í gangi í skólalífinu. Núna erum við að stíga okkar fyrstu skref á Instagram líka. Markmiðið er að ná til allra sem vilja fylgjast með því helsta sem er í gangi í skólanum. Þetta er mikið og krefjandi verkefni og erum við spennt að takast á við það og ætlum að gera okkar besta. Endilega fylgið okkur á Instagram.

Kynning á áfangaframboði haustannar 2023

Það er ekki seinna vænna en að kynna til leiks áfangaframboð haustannar 2023. Þar kennir ýmissa grasa, margir gamlir og góðir áfangar eru á sínum stað og ýmsir nýir líta dagsins ljós. Föstudaginn 3. mars verða áfangakynningar á Miklagarði þar sem kennarar kynna sínar greinar og allt það sem verður í boði næsta haust. Við hvetjum ykkur öll til að kíkja við á Miklagarði milli 9:00 og 12:00 og sjá það sem í boði er. Hver veit nema einhver óvæntur glaðningur verði á boðstólum.

Vetrarfrí - Winterbreak

Föstudaginn 24. febrúar er vetrarfrí í MH hjá nemendum og öllu starfsfólki. Njótum frísins og hittumst hress á mánudaginn. Friday, February 24th is a winter break in MH and we hope you all enjoy the time off and we will see you again on Monday.

Frábær árangur á Spænskuhátíð 2023

MH og MÍT unnu til verðlauna á Spænskuhátíð 2023: MH/MÍT-nemar fá vikudvöl við háskólann Alcalá de Henares í Madrid, námskeið og uppihald. Um var að ræða myndbandasamkeppni þar sem þemað var 5. heimsmarkmið Sameinuðu þjóðanna: Jafnrétti kynjanna. Nemandinn frumsamdi lag og texta sem tengdist efninu. Nemendur MH sem útbjuggu veggspjöld unnu einnig til verðlauna og fá að launum styttri heimsókn við sama skóla í vinning og nemandi MH vann spurningakeppni sem var hluti af hátíðinni.

Miðannarmat í Innu

Lagningardagar tókust mjög vel og þökkum við öllum sem lögðu hönd á plóg. Sérstaklega viljum við þakka lagningardagaráði fyrir alla þá vinnu sem þau lögðu í þetta - takk öll fyrir skemmtilega daga. Í dag opnaði miðannarmat í Innu sem gefið er nemendum fæddum 2006 eða seinna. Upplýsingar um miðannarmatið má lesa í pósti til aðstandenda og hér á heimasíðunni.

Lagningardagar

Í dag er fyrsti í lagningardögum. Nemendur eru mættir í hús til að taka þátt í dagskrá dagsins þar sem ýmislegt er í boði. Kórinn er með veitingasölu og fer ágóðinn af þeirri sölu í ferðasjóð kórsins. Kórinn stefnir á vorferð út á land í lok apríl og er því um að gera að styrkja þau til fararinnar.

Dagskrá lagningardaga er tilbúin

Hægt er að skoða alla dagskrá lagningardaga frá síðu lagningardaga, eða með því að smella á hnappinn hér fyrir ofan. Endilega kynnið ykkur dagskrána og njótið þess að vera saman í skólanum án þess að þurfa að mæta í tíma. 

Lagningardagar 2023

Lagningardagar 2023 verða 16. og 17. febrúar. Þessa daga liggur hefðbundin kennsla niðri og nemendum stendur til boða skemmtileg og metnaðarfull dagskrá sem lagningardagaráð hefur lagt mikla vinnu í að skipuleggja. Dagskráin mun birtast á heimasíðu NFMH um leið og hún er tilbúin. Lagningardagar 2023 will be held on February 16th and February 17th. On these days instead of traditional teaching, students will be able to enjoy an entertaining and ambitious program which Lagnó has put a lot of effort into organizing. The agenda will be published on NFMH homepage, as soon as it is ready.

Seinkun vegna veðurs - Teaching will start at 10:15

Vegna slæmrar veðurspár á morgun 7. febrúar og viðvarana frá Veðurstofu Íslands höfum við ákveðið að hefja kennslu kl. 10:15. Skólinn mun opna kl. 9:00. Farið varlega í skólann og sjáumst öll hress í MH.