Fréttir

Lagningardagar 2023

Lagningardagar 2023 verða 16. og 17. febrúar. Þessa daga liggur hefðbundin kennsla niðri og nemendum stendur til boða skemmtileg og metnaðarfull dagskrá sem lagningardagaráð hefur lagt mikla vinnu í að skipuleggja. Dagskráin mun birtast á heimasíðu NFMH um leið og hún er tilbúin. Lagningardagar 2023 will be held on February 16th and February 17th. On these days instead of traditional teaching, students will be able to enjoy an entertaining and ambitious program which Lagnó has put a lot of effort into organizing. The agenda will be published on NFMH homepage, as soon as it is ready.
Lesa meira

Seinkun vegna veðurs - Teaching will start at 10:15

Vegna slæmrar veðurspár á morgun 7. febrúar og viðvarana frá Veðurstofu Íslands höfum við ákveðið að hefja kennslu kl. 10:15. Skólinn mun opna kl. 9:00. Farið varlega í skólann og sjáumst öll hress í MH.
Lesa meira

Hafragrauturinn

Alla morgna, nema mánudagsmorgna, er boðið upp á hafragraut í MH. Grauturinn rennur vel ofan í nemendur og starfsfólk sem einnig fær sér graut. Með grautnum er boðið upp á kanil, salt og ýmiss konar útálát eftir smekk hvers og eins.
Lesa meira

Umsóknartímabil á fjölnámsbraut

Opnað hefur verið fyrir umsóknir á fjölnámsbraut fyrir haustið 2023 og eru áhugasamir nemendur hvattir til að skoða hvað brautin hefur upp á að bjóða.
Lesa meira

Hjúkrunarfræðingurinn

Hjúkrunarfræðingur skólans veturinn 2022-2023 er Sigríður Elísabet Árnadóttir (Sigga Beta). Nemendur geta ýmist komið við eða pantað tíma með því að senda póst á netfangið: sigridur.elisabet.arnadottir@heilsugaeslan.is. Sigga Beta er við á skólatíma á mánudögum og er staðsett við hliðina á netstjórum á fyrstu hæðinni (stofa merkt Gimlé).
Lesa meira

Lið MH í Gettu betur komið í aðra umferð

Lið MH í Gettu betur er komið í aðra umferð eftir að hafa sigrað lið Menntaskólans á Ísafirði með 20 stigum gegn 15. Liðið skipa Auður Ísold Kjerúlf, Flóki Dagsson og Valgerður Birna Magnúsdóttir. Í annarri umferð mætir liðið Fjölbrautaskóla Suðurlands og fer viðureignin fram miðvikudaginn 18. janúar. Við óskum þeim til hamingju með sigurinn og góðs gengis í næstu viðureign.
Lesa meira

Gleðilega vorönn 2023

Fyrsti kennsludagurinn á nýrri önn byrjar á morgun fimmtudaginn 5. janúar kl. 9:00, með skólasetningu á sal. Rektor mun taka á móti nemendum og segja nokkur orð og eftir það fara allir til kennslustofu skv. stundatöflunni sem er í Innu.
Lesa meira

Stundatöflur vorannar 2023

Stundatöflur eru tilbúnar í Innu. Eldri nemendur skólans geta sótt um töflubreytingar í gegnum Innu en nýnemar vorannar 2023 þurfa að gera það á skrifstofunni. Allar nánari upplýsingar má finna í bréfi sem fór út til allra fyrr í dag.
Lesa meira

Brautskráning Menntaskólans við Hamrahlíð 21. des.

Brautskráðir voru 78 nemendur frá Menntaskólanum við Hamrahlíð af fimm námsbrautum. Flestir útskrifuðust af opinni braut eða 49 nemendur, 19 af náttúrufræðibraut, 4 af félagsfræðabraut, 5 af málabraut og 1 af listdansbraut. Fimm nemendur voru brautskráðir með ágætiseinkunn á stúdentsprófi, þ.e. vegin meðaleinkunn yfir 9,00. Að þessu sinni var dúx skólans Elín Katla Henrysdóttir nemandi á náttúrufræðibraut með 9,26 í meðaleinkunn. Elín Katla hlaut auk þess viðurkenningu fyrir ágætan námsárangur í líffræði og efnafræði. Semidúx var Sunna Björg Friðjónsdóttir sem útskrifaðist af náttúrufræðibraut með 9,24 í meðaleinkunn. Ávarp fyrir hönd nýstúdenta fluttu Álfheiður Karlsdóttir og Baldur Steindórsson. Kór skólans undir stjórn Hreiðars Inga Þorsteinssonar gegndi stóru hlutverki og flutti nokkur verk auk þess sem aðrir kórfélagar og nýstúdentar fluttu tónlist.
Lesa meira

Einkunnir eru sýnilegar í Innu

Við erum búin að opna fyrir einkunnir í Innu og um leið geta nemendur skoðað valið sitt og staðfest það fyrir næstu önn.
Lesa meira