Einingar

Haustið 2015 tók gildi nýr einingamælikvarði fyrir alla áfanga og þar með nám á hverri braut. Almenn námskrá framhaldsskóla kveður á um að stúdentspróf skuli vera á bilinu 200–240 framhaldsskólaeiningar. Gert er ráð fyrir að 60 einingar samsvari einu ári miðað við hefðbundinn námshraða. Að baki hverri framhaldsskólaeiningu eru 18-24 klukkutímar í tímasókn og vinnu fyrir nemandann. Það þýðir að fimm eininga áfangi er á bilinu  til 90-120 klst. vinna fyrir nemandann.

Frá hausti 2019 innritast nýnemar úr grunnskóla á brautir sem innihalda 205 einingar. Það er breyting frá árunum 2016-2019 en þá þurfti 215 einingar til að ljúka stúdentsprófi.

Hver kennslustund í MH er klukkustund að lengd og flestir áfangar eru fimm einingar . Slíkir áfangar eru að jafnaði kenndir á fjórum klukkustundum á viku, nema um hraðferð eða hægferð sé að ræða.

Síðast uppfært: 07. janúar 2022