Stöðumat

Menntaskólinn við Hamrahlíð býður upp á stöðumat í erlendum tungumálum fyrir innritaða nemendur skólans í byrjun annar. Hlutverk stöðumatsins er að meta þekkingu, hæfni og leikni nemenda í viðkomandi tungumáli. Þeir sem vilja fá stöðumat í ensku eða t.d. norsku eða sænsku ættu að hafa góðan grunn í viðkomandi tungumáli líkt og um móðurmál væri að ræða.  

Til að fá stöðumat í dönsku, frönsku, ítölsku, japönsku, spænsku og þýsku þurfa nemendur að hafa verið búsettir í viðkomandi landi eða dvalið þar sem t.d. skiptinemar.  

Stöðumat er auglýst hverju sinni en nánari upplýsingar veitir námstjóri erlendra tungumála, Jóhanna Guðrún Gunnarsdóttir, jog(at)mh.is.

Stöðumat kostar 15.000 kr.