Umhverfismál

MH tekur þátt í tveimur verkefnum sem tengjast umhverfismálum.

Annars vegar er um að ræða verkefnið Græn skref sem Umhverfisstofnun skipuleggur fyrir ríkisstofnanir sem vilja draga úr neikvæðum umhverfisáhrifum af starfsemi sinni og efla umhverfisvitund starfsmanna. Grænu skrefin eru 5 talsins og hefur MH stigið tvö þeirra. MH náði fyrsta skrefinu í byrjun mars 2021 og öðru 3. nóvember 2021. 

Hitt verkefnið er sniðið að nemendum og ber nafnið Skólar á grænni grein, oft kallað Grænfánaverkefni. Það er alþjóðlegt umhverfismenntarverkefni sem rekið er af Landvernd á Íslandi. Markmið verkefnisins er að auka umhverfismennt, menntun til sjálfbærni og að styrkja umhverfisstefnur skóla. Verkefnið er stærsta umhverfismenntarverkefni í heimi og er haldið úti af samtökunum Foundation for Environmental Education. Skólar á grænni grein stíga 7 skref í umhverfismálum og þegar því marki er náð fá skólarnir leyfi til að flagga Grænfánanum næstu tvö ár. Sú viðurkenning fæst endurnýjuð ef skólarnir halda áfram góðu starfi. Grænfáninn var fyrst dreginn að húni í MH í febrúar 2016 og í annað sinn í nóvember 2019.

Skólinn færir grænt bókhald á hverju ári. Það veitir margvíslegar upplýsingar um kaup skólans á vörum og þjónustu og þar er kolefnisspor skólans reiknað. Grænt bókhald er hjálpartæki til að setja markmið um minni losun gróðurhúsalofttegunda. 

Niðurstöður græns bókhalds í MH fyrir árið 2019 eru aðgengilegar í þessu skjali: Grænt bókhald 2019.

 
Síðast uppfært: 08. nóvember 2021