Vefstefna

Starfsfólk MH notar vefmiðla, heimasíðu og samfélagsmiðla, til að koma upplýsingum á framfæri til tilvonandi, núverandi og útskrifaðra MH-inga.

Markmið

• Að efla og styrkja ímynd skólans
• Að gera starfið innan MH sýnilegt með fjölbreyttum leiðum
• Að ná athygli markhópa með gagnlegum og áhugaverðum upplýsingum um skólastarfið
• Að auka jákvæða umræðu um MH í samfélaginu
• Að styðja við nemendur og starfsfólk og það sem þau eru að gera í nafni skólans

Áherslur

• Vera upplýsandi, áhugaverð og jákvæð
• Vera málefnaleg og markviss í framsetningu
• Nota vandað málfar sem er auðskiljanlegt
• Bera virðingu fyrir öllum og líða ekki fordóma, níð, einelti eða móðganir
• Fjalla um alla af kurteisi og virðingu
• Velja af kostgæfni það efni sem við birtum og deila engu sem er meiðandi eða vafi leikur á að leyfi sé fyrir
• Viðurkenna fúslega mistök og leiðrétta hratt og örugglega
• Birta ekki efni nema með samþykki þeirra sem í hlut eiga.