Fréttir

Lið MH komið í þriðju umferð Gettu betur

Lið MH er komið í þriðju umferð Gettu betur en í annarri umferð sigraði MH lið ME með 34 stigum gegn 9 stigum andstæðinganna. Lið MH skipa Una Ragnarsdóttir, Ísleifur Arnórsson og Júlía Helga Kristbjarnardóttir. Í næstu umferð mætir lið MH liði Kvennaskólans og fer viðureignin fram 25. febrúar og verður á RÚV. Við óskum liði MH til hamingju með glæsilegan árangur og munum fylgjast spennt með næstu umferð.
Lesa meira

Inna og upplýsingar

Þessa dagana er fjöldi nemenda í sóttkví eða með Covid og því skiptir miklu máli að þeir sem ekki geta sótt skólann viti hvað er í gangi í skólanum. Stoðþjónustan sendi út póst í gær þar sem ítrekað var mikilvægi þess að fylgjast vel með á Innu. Í Innu má líka finna ýmsar leiðbeiningar varðandi notkun hennar og er þær að finna undir flipanum Aðstoð.
Lesa meira

Gleðilega vorönn 2022

Það er mikið líf og fjör í skólanum í dag enda fyrsti kennsludagur vorannar 2022 hafinn. Það er gaman að sjá glöð grímuklædd andlit nemenda að springa af spenningi að mæta í fyrsta tímann og hitta kennara og samnemendur. Við vonum að þetta gangi vel og að skóladagarnir verði margir og góðir. Við uppfærum heimasíðuna reglulega og setjum inn allar nýjustu upplýsingar svo allir viti sem best hvað er að gerast í MH. Hér á forsíðunni er hnappur sem heitir Kennsla í Covid-19 og geymir hann ýmsar gagnlegar upplýsingar varðandi sóttvarnir og Covid-19. Undir Skólinn, Nemendur og forráðamenn er hlekkur sem geymir alla pósta sem frá okkur fara til allra nemenda eins og sá sem fór út í morgun. Þar má t.d. finna upptöku af ávarpi rektors síðan í morgun. Gleðilega önn.
Lesa meira

Uppfært: Upphaf kennslu á vorönn 2022 / Beginning of spring semester 2022

Kennsla hefst í MH mánudaginn 10. janúar kl. 8:10. Nemendur mæta í stofur skv. stundatöflu en stundatöflur verða aðgengilegar í INNU 2. janúar hjá þeim sem greitt hafa skólagjöldin. Í byrjun tímans verður ávarpi rektors streymt í allar kennslustofur. Töflubreytingar í INNU standa yfir frá og með öðrum til og með fimmta janúar og úrvinnsla beiðna hefst 3. janúar. Frá og með 6. janúar fara töflubreytingar fram hjá námstjórum og áfangastjóra. Við hlökkum til að fá ykkur í hús. School will start on Monday 10th of January and the first class starts at 08:10. Students attend classes according to their individual schedule but the class schedule can be seen in INNA from the 2nd of January. Class schedule changes in INNA will take place from 2nd to 5th of January and the processing of requests will begin on the 3rd of January. As of January 6th, class schedule changes will go through the MH course director and the study directors. We look forward to seeing you all at school.
Lesa meira

Jólafrí

Skrifstofa skólans verður lokuð frá og með 22. desember til og með 2. janúar 2022. Þann 3. janúar verður skrifstofan opin frá 10:00-15:00 en frá og með 4. janúar er hefðbundinn opnunartími. Nýnemar vorannar koma í skólann 5. janúar kl. 13:00 en kennsla hefst fimmtudaginn 6. janúar kl. 9:00 skv. stundaskrá. Nánari upplýsingar verða birtar á heimasíðunni þegar nær dregur. Við þökkum fyrir árið sem er að líða og óskum öllum gleðilegra jóla.
Lesa meira

Brautskráning Menntaskólans við Hamrahlíð 18. desember 2021

Brautskráðir voru 97 nemendur frá Menntaskólanum við Hamrahlíð af fjórum námsbrautum. Að þessu sinni útskrifuðust flestir af opinni braut eða 67 nemendur, 15 af náttúrufræðibraut, 4 af málabraut og 11 af félagsfræðabraut. Fimm nemendur voru brautskráðir með ágætiseinkunn á stúdentsprófi, þ.e. vegin meðaleinkunn yfir 9,00. Að þessu sinni var dúx skólans Benedikt Gylfason nemandi á opinni braut með framúrskarandi árangur, þ.e. 9,73. Benedikt hlaut auk þess viðurkenningu fyrir ágætan námsárangur í ensku. Semidúx var Þórunn Arna Guðmundsdóttir sem útskrifaðist af opinni braut með 9,61 í meðaleinkunn en hún hlaut einnig viðurkenningu fyrir ágætan námsárangur í efnafræði, frönsku og líffræði. Ávarp fyrir hönd nýstúdenta fluttu Benedikt Gylfason og Birgitta Sveinsdóttir. Kór skólans var í stóru hlutverki undir stjórn Hreiðars Inga Þorsteinssonar og flutti nokkur verk auk þess sem aðrir nemendur og nýstúdentar fluttu tónlist. Dúx skólans samdi sérstaklega verk fyrir kór skólans sem var frumflutt af þessu sinni og heitir Í hlýju hjarta þér.
Lesa meira

Brautskráning 18. desember kl. 13:00

Brautskráning er laugardaginn 18. desember kl. 13:00. Að þessu sinni verða brautskráðir 97 nemendur af fjórum námsbrautum. Dagskráin er eftirfarandi: Ávarp rektors Kórsöngur Ræða konrektors Kórsöngur Afhending skírteina. Fjöldasöngur Gaudeamus Verðlaunaafhending Ávarp nýstúdenta Söngur nýstúdenta Kveðja rektors Fjöldasöngur: Heims um ból Vefslóðin er inn á streymi af athöfninni er https://livestream.com/accounts/5108236/events/10003587
Lesa meira

Staðfestingardagur

Staðfestingardagur er á morgun miðvikudaginn 15. desember og munu einkunnir birtast í Innu eftir kl. 16:00 í dag, 14. desember. Upplýsingar um staðfestingardag og prófsýningu má finna hér á heimasíðunni. Áfangaframboð næstu annar má einnig finna á heimasíðunni. Allir nemendur haustannar sem ætla að stunda nám á vorönn þurfa að staðfesta valið sitt í innu fyrir kl. 14:00 miðvikudaginn 15. desember.
Lesa meira

Síðasti prófdagur

Í dag var síðasti prófdagur skv. próftöflu og einungis nokkur sjúkrapróf eftir. Nemendur sem eiga eftir að koma í sjúkrapróf hafa fengið póst um það hvaða dag og klukkan hvað þeir eiga að mæta í prófin. Á miðvikudaginn er svo staðfestingardagur þar sem nemendur staðfesta val sitt fyrir komandi vorönn.
Lesa meira