Listmenntabraut

LMB - Listmenntabraut

Nám á listmenntabraut er verklegt og bóklegt nám með áherslu á listir. Brautin skiptist í kjarna, bundið pakkaval, bundið áfangaval og frjálst val, samtals 205 einingar. Stúdentspróf af listmenntabraut veitir góðan undirbúning fyrir háskólanám í myndlist eða leiklist. Auk þess velur nemandi sér ýmsar listgreinar á móti myndlist eða leiklist sem styrkja viðkomandi fyrir frekara nám. Námið getur einnig verið góður undirbúningur fyrir nám í félags- og hugvísindum.

Nemendur velja á milli leiklistar eða myndlistar sem fyrstu listgrein, þ.e. 30 einingar. Nemendur velja einnig blöndu af áföngum sem tengjast listum á einn eða annan hátt, þ.e. 30 einingar. Á brautinni er auk þessara 60 eininga, skylda að taka 15 einingar í söguáföngum tengdum listum. Þetta eru t.d. SAGA3CR05, LIST2BL05, LIST3CB05, LIST3CI05, LIST3CF05 og LIST3CE05 og listdanssöguáfangar sem voru í kjarna á listdansbraut.

Ýmsir áfangar koma til greina sem blanda af listgreinum (30 einingar):

Leiklist, myndlist, listdans, tónlistarnám (miðpróf og framhald) og kór MH.
Íslenskuáfangar tengdir listum: ÍSLE2BT05, ÍSLE3CL05, ÍSLE3DL05, ÍSLE3CK05, ÍSLE3CR05 og ÍSLE3CZ05.
Enskuáfangar tengdir listum: ENSK3DG05, ENSK3CD05, ENSK3DW05, ENSK3DM05 og ENSK3EK05.
Ljósmyndun LJÓS2AD05.
Heimspekiáfangar tengdir listum: HEIM2AO05, HEIM2BF05 og HEIM3BK05.
Tölvunarfræðiáfangar.
Söguáfangar sem tengjast listum eins og nefndir eru hér að ofan.
Athugið að listinn er í stöðugri endurskoðun - endilega leitið nánari upplýsinga hjá námsráðgjöfum eða námstjórum.

Brautin var stofnuð haust 2023 og er í mótun og mun taka breytingum.