Sjúkrapróf

Veikindi á prófdegi verður að tilkynna samdægurs, fyrir kl. 14:00, í gegnum Innu. Nauðsynlegt er að tilgreina heiti áfangans í athugasemd. Nemendur eldri en 18 ára skrá þau sjálf í gegnum sína Innu. Nemendur yngri en 18 ára geta ekki sjálfir skráð veikindi í Innu. Aðstandendur nemenda yngri en 18 ára skrá veikindi í gegnum sína Innu á sama hátt og þau hafa gert í vetur.

Í lok hvers prófdags fer prófstjóri yfir skráðar veikindatilkynningar í Innu, staðfestir þær og veitir upplýsingar um sjúkraprófstíma.  Staðfestingin sést í Innu viðkomandi nemenda og forráðamanna og kemur einnig fram í tölvupósti.  Prófstjóri hefur netfangið profstjori@mh.is og er með viðtalstíma milli 10 og 11 alla daga.

Til viðbótar þurfa nemendur 18 ára og eldri að mæta með læknisvottorð í sjúkraprófið til staðfestingar á veikindum sínum.  Nemendur yngri en 18 ára þurfa þess ekki.

Nemendur sem eru forfallaðir af öðrum orsökum en veikindum þurfa að hafa samband við skrifstofu skólans í síma 595-5200.