Fréttir

Leikfélag MH setur upp leiksýninguna Nashyrningarnir

Leikfélag Menntaskólans við Hamrahlíð setur upp leiksýninguna Nashyrningarnir sem byggt er á verkinu Rhinocéros eftir Eugène Ionesco. Þetta verk var einnig sett upp af leikfélagi Menntaskólans við Hamrahlíð árið 1989. Leikhópurinn ásamt leikstjóra unnu mikið í verkinu og aðlöguðu það að sínum samtíma en það var skrifað árið 1959 og var mikið ádeiluverk. Verkið fjallar um Birgittu, sem er fremur venjuleg manneskja sem vinnur á skrifstofu. Lífið hennar Birgittu umturnast þegar nashyrningar koma á kreik og valda usla. Leikstjóri verksins er Júlíana Kristín Liborius og aðstoðarleikstjóri er Anna Kristín og verkið er sýnt í Undirheimum í Menntaskólanum við Hamrahlíð. Miðasala fer fram inn á www.tix.is
Lesa meira

Munið að velja

Titillinn "MUNIÐ AÐ VELJA" á bæði við nemendur í MH sem þurfa að velja sér áfanga fyrir næsta haust og grunnskólanemendur sem komu í heimsókn 4. mars. Nemendur sem eru í MH þurfa að klára valið sitt sem fyrst en við lokum fyrir það 9.mars. Grunnskólanemendur sem stefna á að velja MH geta sótt um á Menntagátt frá og með 9. mars. Munið öll að velja og velja rétt.
Lesa meira

Opið hús í dag miðvikudaginn 4.mars, kl. 17:30 - 19:00

Á opnu húsi í MH gefst 10. bekkingum og forráðamönnum þeirra tækifæri til að kynna sér fjölbreytt námsframboð í MH, félagslíf nemenda og aðstöðu í skólanum. Boðið verður upp á leiðsögn um skólann þar sem gestir fá að sjá brot af því besta sem skólinn býður upp á. Kennarar og annað starfsfólk kynnir námsframboðið á Miðgarði og Miklagarði og kórinn mun taka lagið. Boðið verður upp á kaffi og kleinur.
Lesa meira

Drögum úr sýkingarhættu / Basic protective measures against the coronavirus

Á heimasíðu Landspítalans má lesa um hvernig á að draga úr sýkingarhættu vegna kórónuveirunnar. Þar stendur ýmislegt og snýst það aðallega um það að gæta hreinlætis með því að þvo sér vel um hendurnar og nota spritt. Handspritt7gel er aðgengilegt í kennslustofum, á salernum, bókasafni, matsölu og á skrifstofu. Einnig má lesa sér til á vef landlæknis og þar eru líka sérstakar leiðbeingar til barna og ugmenna. Kynnum okkur öll vel hvað við getum gert. Information from the Directorate of Health can be found at https://www.landlaeknir.is/koronaveira/english/
Lesa meira

MH-ingar í 19. almennu landskeppninni í efnafræði

Þann 19. febrúar fór fram 19. almenna landskeppnin í efnafræði. Alls tóku þátt 97 nemendur úr 9 framhaldsskólum. Heimir Páll Ragnarsson nemandi á IB-braut náði 8.-10. sæti og tryggði sér þátttökurétt í úrslitakeppninni sem fer fram í Háskóla Íslands 14.15. mars. Við óskum Heimi Páli innilega til hamingju með árangurinn.
Lesa meira

Valvika

Í valviku velja nemendur MH sér áfanga til að taka næsta haust. Undir hnappnum valvika má finna hvaða áfangar eru í boði. Við hvetjum nemendur til að velja vel og rétt miðaða við sína braut og sitt nám. Endanlegt áfangaframboð næsta haust ræðst að stórum hluta af vali nemenda núna í mars. Gott er að ræða við kennarana um hvaða áfangar eru í boði í hverju fagi og einnig eru uppi auglýsngar til að auðvelda valið - því það er úr mörgu að velja.
Lesa meira

Góður árangur MH-inga á Kvikmyndahátíð framhaldsskólanna

Kvikmyndahátíð framhaldsskólanna var nýlega haldin í 6. sinn og voru þrír MH-ingar verðlaunaðir fyrir sín verk. Óðinn Jökull Björnsson fékk verðlaun fyrir best tæknilegu útfærðu stuttmyndina sem bar heitið Ferðalok. Oddur Sigþór Hilmarsson hlaut verðlaun fyrir bestu kvikmyndatökuna í myndinni Mansöngur og þá hlaut Hildur Vaka Bjarnadóttir verðlaun fyrir tónlistina í myndinni Capable. Við óskum þeim innilega til hamingju með árangurinn.
Lesa meira

Vegna kórónaveirunnar/COVID-19

Nokkuð er um ferðalög starfsmanna og nemenda og er mikilvægt að skoða hvaða svæði flokkast undir áhættusvæði þar sem meiri hætta er á samfélagssmiti. Við viljum vekja athygli á ráðleggingum sóttvarnarlæknis vegna kórónuveirunnar/COVID-19. Þær má finna inn á vef Landlæknisembættisins. Þess má geta að þessi áhættusvæði breytast reglulega en í augnablikinu eru þessi svæði Kína, fjögur héruð á Norður Ítalíu (Lombardía, Venetó, Emilia Rómanja og Píemonte), Suður-Kórea og Íran. Við hvetjum alla til að fara eftir ráðleggingum sóttvarnarlæknis sem eru uppfærðar reglulega eftir ástæðum.
Lesa meira

MH fær styrk úr Lýðheilsusjóði

MH fékk nýlega afhentan styrk úr Lýðheilsusjóði en það var Svandís Svavarsdóttir heilbrigðisráðherra sem afhenti styrkinn að upphæð kr. 1.000.000-. Bóas Valdórsson sálfræðingur skólans mun stýra verkefninu þar sem samið verður fræðsluefni um svefn fyrir framhaldsskólanema. Fræðsluefnið ætti að koma að góðum notum í kennslu í framhaldsskólum, t.d. í lífsleikni og sálfræði daglegs lífs. Að þessu sinni var úthlutað rúmum 90 milljónum úr Lýðheilsusjóði til 147 verkefna og rannsókna.
Lesa meira

MH-ingurinn Krummi verðlaunaður

Krummi Uggason hlaut 3. verðlaun í árlegri smásagnasamkeppni FEKÍ, félags enskukennara á Íslandi. Smásaga hans, Dystopia, fjallar um málaliða í óræðri framtíðarveröld þar sem gleðin er óþekkt hugtak. Verðlaunaafhending fór fram á Bessastöðum í gær en frú Eliza Reid er verndari keppninnar. Þetta er þriðja árið í röð sem MH-ingur hlýtur verðlaun FEKÍ fyrir smásögu. Við óskum Krumma til hamingju með árangurinn.
Lesa meira