Tölvuþjónusta

 Umsjónarmenn tölvukerfis skólans eru:

Gunnar Ingi Kristinsson gik@mh.is - netstjori@mh.is	Kent Lárus Björnsson              kentb@mh.is

Notkunarreglur

1. Nemendur hafa aðgang að tölvum á Miðgarði og á bókasafni skólans. Einnig er tölvuver í stofu 48 sem notað er fyrir kennslu.  Hægt er að fá lánaðar fartölvur á bókasafninu en ekki er leyfilegt að fara með þær út af safninu. Notendanafn er kennitala viðkomandi og aðgangsorð er sent til nemenda í upphafi skólaárs og/eða annar. Allir þurfa að breyta aðgangsorði sínu við fyrstu skráningu inn á kerfið. Nemendur bera ábyrgð á lykilorðum sínum.
   
   
2. Nemendur hafa aðgang að tveimur svæðum þ.e. einkasvæði (heimasvæði) til að vista gögn og almennu svæði (geymslu) sem allir hafa fullan aðgang að.
   
   
3. Nemendur hafa aðgang að þráðlausa netinu í skólanum. Nemendur skulu skrá sig á net sem heitir MH-Nemendur  Aðgangsorð er sent í tölvupósti til nemenda í upphafi annar. Nemendur eru skyldugir að sjá til þess að fartölva viðkomandi sé með uppsett vírusvarnarforrit sem er uppfært reglulega. Hægt er að nota aðgangsorðið á þrjú tæki samtímis.
   
   
4. Nemendur hafa aðgang að þremur prenturum sem eru staðsettir á Miðgarði, bókasafninu og við stofu 48.  Þessir prentarar eiga allir að vera til staðar eftir skráningu inn í kerfið. Í upphafi annar fá allir nemendur 100 blaðsíðna prentkvóta.  Hægt er að kaupa viðbótarkvóta hjá starfsmönnum bókasafnsins. Ef nemandi þarf að fá prentun í lit skal snúa sér til bókasafnsins og borga fyrir útprentun.  Hægt er að senda skjöl á bokasafn@mh.is.
   
   
5. Óleyfilegt er að:

• • reyna að tengjast tölvubúnaði skólans með öðru notandanafni en því sem notandi hefur fengið úthlutað,
  • veita öðrum aðgang að notandanafni sínu,
  • fjarlægja vélbúnað, breyta eða afrita hugbúnað eða gögn sem eru í eigu skólans,
  • senda, sækja eða geyma klámefni eða ofbeldisefni,
  • nota leiki í tölvunum,
  • neyta matar eða drykkjar í kringum tölvurnar.