Próftaka

Við hvetjum nemendur til að byrja prófdaginn snemma og vera vel úthvíld.

  • Áður en öll prófin hefjast er gott að fara vel yfir próftöfluna og skoða hvaða daga prófin þín eru, klukkan hvað og hvað þau eru löng. Þetta á allt að standa í próftöflunni.
  • Á prófdaginn er gott að fá sér uppáhaldsmorgunmatinn og reyna að láta sér líða vel á meðan borðað er.
  • Áður en þú leggur af stað skaltu muna að finna til allt sem þú þarft að nota í prófinu, s.s skilríki, skriffæri, vasareikni, orðabækur, ef þær eru leyfðar o.s.frv.
    • Ef nafnið sem þú notar er ekki það sama og er á skilríkjunum þínum þá geta náms- og starfsráðgjafar aðstoðað þig við að útbúa sérstakt blað til að nota í staðin fyrir skilríki. Mundu eftir að sækja tímanlega um þetta blað hjá náms- og starfsráðgjöfum.
  • Ef þú átt að mæta með fartölvu í prófið þá er mikilvægt að tölvan sér fullhlaðin áður en þú ferð í prófið og þú takir hleðslusnúruna þína með.
  • Leggðu tímanlega af stað að heiman þannig að þú komir ekki of seint í prófið.
  • Ef þú tekur próf í sérstofu kemur þú að stofu 31.
  • Á skólaskjánum í MH sérðu hvar prófið sem þú ert að fara í er haldið. Prófið getur verið á Miklagarði, Miðgarði eða í kennslustofu. Ef þú ert ekki viss þá getur þú alltaf spurt á skrifstofunni. Upplýsingar um prófin má einnig finna á upplýsingatöflu fyrir framan stofu 11.
  • Veldu þér sæti á góðum stað í prófsalnum.
  • Fylgstu vel með því sem salstjóri segir í byrjun prófs.
  • Eftir klukkan 9 hvetjum við alla til að ganga hljóðlega um skólann þar sem próf eru í gangi, þegar prófi lýkur þurfa nemendur að fara strax út úr húsi til að trufla ekki aðra nemendur sem eru enn í prófi. 
  • Gangi þér vel.

Ekki gleyma persónuskilríkjum heima.
 
Síðast uppfært: 14. júní 2023