Fréttir

Síðasta kennsluvikan runnin upp

Það kemur alltaf jafnmikið á óvart þegar síðasta kennsluvika rennur upp í allri sinni dýrð. Þessa viku nota nemendur og kennarar til að klára efnið, spyrja spurninga og líta yfir farinn veg. Á föstudaginn er síðasti kennsludagur og í kennslustund kl. 11:40 verður skemmtun á sal, þar sem útskriftarefni haustannar fá tækifæri til að kveðja okkur hin sem eftir verðum. Engin kennsla verður því í þeirri kennslustund.
Lesa meira

Dagur íslenskrar tungu

Í dag, 16. nóvember, er dagur íslenskrar tungu og verður ýmislegt í gangi í MH í dag. Lopapeysa flestra MH-inga fékk að koma með í skólann í dag og er gaman að sjá hversu margar útfærslur eru til af þessari íslensku peysu. Í hádeginu verða tónleikar á sal þar sem kór Menntaskólans við Hamrahlíð, Hreiðar Ingi Þorsteinsson kórstjóri og Jónas Hallgrímsson munu leiða saman hesta sína. Í kvöld verða svo tónleikar þar sem kórinn okkar og kór Menntaskólans að Laugarvatni munu skemmta okkur með fallegum söng. Tónleikarnir byrja kl. 20:30 og er aðgangur ókeypis. Til hamingju með daginn.
Lesa meira

Öryggismyndavélar

Í og við MH eru 13 öryggismyndavélar. Þær eru staðsettar við innganga, á göngum skólans og á Matgarði. Lóð skólans er einnig vöktuð á völdum stöðum. Sérstakar merkingar eru við innganga skólans, sem og við innkeyrslur inn á bílastæðin, til að þeir sem eiga leið um viti af tilvist myndavélanna.
Lesa meira

Opnað hefur verið fyrir umsóknir í MH

Þeir nemendur sem hafa hug á að sækja um skólavist í MH fyrir næstu önn geta gert það núna. Opnað hefur verið fyrir umsóknir í gegnum Menntagátt.
Lesa meira

Sérúrræði í prófum

Nemendur í MH eiga kost á sérúrræðum í prófum skv. pósti frá náms- og starfsráðgjöfum sem sendur var út í morgun. Sérúrræði fela meðal annars í sér að fá prófið prentað á litaðan pappír eða að þreyta prófið í sérstofu. Þeir nemendur sem telja sig þurfa á sérúrræðum að halda þurfa að sækja um það hjá náms- og starfsráðgjöfum, í síðasta lagi 15. nóvember.
Lesa meira

Kvennaverkfall 24. október

Þriðjudaginn 24. október má gera ráð fyrir röskun á skólahaldi vegna kvennaverkfalla í samfélaginu. Menntaskólinn við Hamrahlíð styður mótmælin gegn vanmati á störfum kvenna og kynbundnu og kynferðislegu ofbeldi gagnvart konum og kynsegin fólki. Við hvetjum jafnframt starfsfólk og nemendur af öllum kynjum til að taka þátt í samstöðufundinum klukkan 14.00 þennan dag eða sýna samstöðu á annan hátt.
Lesa meira

Próftafla haustannar 2023

Próftafla haustannar 2023 er tilbúin og er sýnileg á Innu nemenda og á hér á heimasíðunni. Prófin byrja mánudaginn 4. desember og standa yfir í 2 vikur. Ef nemendur eru í tveimur prófum á sama tíma eða í tveimum prófum á sama degi, geta þau sótt um tilhliðrun. Allar upplýsingar um það eru í tölvupósti sem nemendur fengu í gær.
Lesa meira

Haustfrí í MH

Haustfrí verður í MH föstudaginn 13. október og mánudaginn 16. október. Skólinn verður lokaður báða dagana og þar með skrifstofan líka. Kennsla hefst aftur þriðjudaginn 17. október. Við óskum öllum góðs haustfrís.
Lesa meira

Norðurkjallari

Norðurkjallari er félagsaðstaða nemenda í MH og þar er hægt að hafa það notalegt í góðra vina hópi og einnig eru haldnar þar ýmsar uppákomur. Stjórn NFMH hverju sinni, hefur umsjón með Norðurkjallara og sér um að halda utanum alla starfsemi sem þar fer fram. Í dag gafst loksins tími til að skrifa undir samning þess efnis. Jórunn Haraldsdóttir forseti nemendafélagsins og Steinn rektor tókust í hendur af þessu tilefni eftir að hafa farið vel og vandlega yfir innihald samningsins. 
Lesa meira

Aðstoð við valið

Valvika stendur yfir frá og með 29. september til og með 9. október. Föstudaginn 6. október kl. 12:40 – 13:00 verða umsjónarkennarar eldri nemenda til viðtals í kennslustofum og hvetjum við nemendur til að leita til þeirra. Þar verður hægt að fá aðstoð við valið og svör við spurningum sem brenna á nemendum. Upplýsingar um valið eru á heimasíðunni undir hnappnum Valvika. Þar er t.d. hægt að skoða lista yfir áfanga í boði, myndræna framsetningu á valáföngum vorannar og lista yfir atriði sem gott er að hafa í huga við valið.
Lesa meira