Fréttir

Dreymi þig ljósið

Kór Menntaskólans við Hamrahlíð og nýstofnaður kór útskrifaðra menntaskólanema flutti kórverk í Háteigskirkju síðastliðinn sunnudag. Kórstjórinn Hreiðar Ingi Þorsteinsson leiddi kórana og getur hann verið stoltur af sínu fólki og flutningi þeirra á verkum tónskáldanna. Flumflutt voru verkin "Fimm mislangar Míníatúrur" og verkið "Kvöldljóð". Miðað við fallegu tónana sem ómuðu í kirkjunni er framtíð tónlistar mjög björt á Íslandi.
Lesa meira

Skolvaskur

Nú hefur verið sett upp aðstaða til að skola einnota og margnota ílát. Aðstaðan er á Matgarði við annan innganginn að salernunum. Skolvaskurinn er til að geta skolað margnota ílát eða til að skola einnota ílát áður en þau eru sett í flokkunartunnu. Við skolvaskinn er sigti til að auðvelda það að sigta vökva frá matarleifum og setja svo matarleifarnar í lífrænan úrgang. Þetta er enn eitt skrefið í átt að betri flokkun sem við erum að stíga með þátttöku í grænum skrefum.
Lesa meira

Próftafla haustannar 2021

Okkur í MH finnst ótrúlegt hvað tíminn líður hratt. Nú er langt liðið á seinni hluta haustannar 2021. Eitt af því sem þá þarf að huga að er próftaflan. Hún hefur nú verið birt nemendum í Innu og hér á heimasíðunni.
Lesa meira

Stígum grænu skrefin saman

Í MH fá nemendur hafragraut, grjónagraut og súpu í einnota umbúðum. Eftir áramótin munum við fara yfir í margnota umbúðir og leysast þá mörg flokkunarvandamálin. Í umhverfisvikunni, þar sem nemendur flokkuðu og flokkuðu og stóðu sig almennt mjög vel, kom í ljós að við þurfum að gera betur í flokkun einnota skála og þess sem eftir er í þeim. Því höfum við ákveðið að þangað til margnota skálar koma í hús hættum við að setja þessar skálar í pappírstunnuna og ætlum við að biðja alla um að setja þær og skeiðarnar á borð sem búið er að koma fyrir við báða enda Matgarðs og eitt á Miðgarði. Á borðunum eru lífrænir dallar þar sem tæma má afganga úr einnota skálunum og skilja svo skálarnar eftir á borðinu.
Lesa meira

Haustfrí 21. og 22. október

Haustfrí verður í MH fimmtudaginn 21. október og föstudaginn 22. október. Kennsla hefst aftur mánudaginn 25. október. Við óskum öllum góðs haustfrís.
Lesa meira

Valið fyrir vorönn 2022 er hafið - Hvar er valið þitt?

Í MH velja nemendur áfanga út frá brautarskipulagi og ráða sjálf hverju sinni, hvaða áfanga þau taka og í hvaða röð. Í dag var opnað fyrir valið fyrir vorönn 2022 og hafa nemendur til og með 11. október til að ganga frá því. Það fer eftir niðurstöðum valsins hvaða áfangar verða endanlega í boði á vorönn. Nemendur geta kynnt sér áfangaframboðið á heimasíðunni þar sem hægt er að skoða lista með öllum áföngum sem boðið er uppá og einnig glærur sem sýna hvaða valáfangar eru í boði. Við hvetjum alla nemendur til að skoða þetta vel og leita sér aðstoðar, ef þeir þurfa, hjá umsjónarkennurum, námstjórum, áfangastjóra eða náms- og starfsráðgjöfum.
Lesa meira

Heimsókn í MH

Vikuna 4.-10. september kom hópur 9 nemenda og tveggja kennara frá Bielefeld, Þýskalandi í heimsókn í MH. Þau hittu 12 nemendur og 3 kennara í Erasmus+ samstarfsverkefni sem hverfist um lýðræði og umhverfismál. Hér voru haldnar þrjár málstofur og hitti skemmtilega á að báðar þjóðir voru að upplifa kosningabaráttu í sínu landi sem setti mark sitt á umræðuna. Gestirnir voru mjög ánægðir með það sem þau sáu í MH og fengu meðal annars að heyra kórinn syngja og sáu kynningu stjórnmálaflokkanna fyrir skuggakosningarnar. Hópurinn heimsótti einnig Hellisheiðarvirkjun, Þingvelli, Gullfoss, Geysi og gosstöðvarnar, sem þeim fannst mikið til um. Eftir skemmtilega og fróðlega samveru hér í MH og utan skólans höfðu íslenski og þýski hópurinn kynnst og hlakka til að sjást aftur í vor, þegar Bielefeld verður heimsótt.
Lesa meira