Fréttir

Bóas Valdórsson sálfræðingur MH segir í viðtali við Morgunblaðið að svefn sé ódýrasta sálfræðimeðferðin. Í viðtalinu segir Bóas: „Ég reyni að fara yfir þetta allt með þeim og hvað þau geta gert til þess að bæta líðan sína. Þar bendi ég fyrst á ódýr­ustu sál­fræðimeðferðina sem er svefn. Að sofa nægj­an­lega mikið til þess að geta tek­ist á við áskor­an­ir dag­lega lífs­ins óþreytt er senni­lega besta ráðið sem hægt er að gefa ungu fólki.“ Menntaskólinn við Hamrahlíð var einn af fyrstu framhaldsskólum landsins til að ráða sálfræðing til starfa með hagsmuni nemenda að leiðarljósi.

Aðalfundur foreldraráðs MH verður þriðjudaginn 18. sept kl. 20 í stofu 11. Hlökkum til að sjá ykkur sem flest , munum að öflugt foreldrastarf styður við börnin okkar í leik og starfi.

Við í MH eigum fulltrúa í ungmennaráði heimsmarkmiða Sameinuðu þjóðanna. Þau funduðu um daginn í húsakynnum Utanríkisráðuneytisins með formanni Loftslagsráðs, fulltrúa stjórnar Ungra Umhverfissinna og Þróunarsamvinnuskrifstofu um Heimsmarkmið Sameinuðu þjóðanna. Í lok fundar fengu fulltrúarnir svo plaggöt með sér heim til þess að hengja upp í sínum skólum og kynna Heimsmarkmiðin fyrir samnemendum sínum. Á myndinni má sjá okkar fulltrúa Sigurð Einarsson Mäntylä við markmið 15: Líf á landi.

Ágætu foreldrar/forráðamenn. Stjórnendur MH bjóða ykkur velkomin til kynningarfundar í skólanum og óska þess jafnframt að eiga gott samstarf við ykkur um menntun unglinganna sem nú eru að hefja hér skólagöngu. Sjá nánar upplýsingar í dagskrá fundarins sem hefur verið send út til forráðamanna nýnema.

Miðvikudaginn 29. ágúst fer fram kínverskukeppni framhaldsskólanema og verður hún haldin í MH kl. 8:10 í stofu 45. Þetta er í fyrsta sinn sem slík keppni er haldin hér á landi en kínverskukeppni háskólanema hefur verið haldin nokkrum sinnum áður. Sigurvegara keppninnar býðst svo að fara til Kína í tvær vikur í október og taka þátt í alþjóðlegri kínverskukeppni framhaldsskólanema.

Í dag leggja flestir nýnemar skólans land undir fót og fara í nýnemaferð. Ferðin er skipulögð af NFMH og verður lagt að stað frá MH í rútum kl. 14:30 og er áætluð heimkoma á morgun kl. 13:00. Stjórn NFMH stendur fyrir kvöldvöku, sundlaugarpartýi, grilli o.fl. skemmtilegu sem allt er gert til þess að nýnemarnir kynnist hverju öðru sem og nemendafélaginu. Þetta er gert í von um að næstu dagar, vikur, mánuðir og ár verði sem allra eftirminnilegust og skemmtileg. Auk nemendastjórnarinnar eru með í för félagsmálafulltrúar og námsráðgjafi. Góða skemmtun og við vonum að ferðin verði sem skemmtilegust.

Töflubreytingum er lokið þetta haustið. 27. ágúst er síðasti dagur til að segja sig úr áfanga án falls og fer það fram hjá námstjórum á auglýstum viðtalstímum. Nemendur sem eru undir 18 ára þurfa að hafa samþykki foreldra sinna fyrir þeim breytingum.

Töflubreytingum er lokið. Þeir sem enn telja sig þurfa að fá breytingu geta haft samband við námstjórana í auglýstum viðtalstímum. Mappa með áföngum þar sem enn eru laus pláss hefur verið sett fyrir frama skrifstofuna.

Töflubreytingum er lokið í gegnum INNU. Þær óskir sem komu inn í dag verða afgreiddar um leið og hægt er.

Skólasetning verður á Miklagarði kl. 9:10 mánudaginn 20. ágúst og hefst kennsla í kjölfarið samkvæmt stundatöflu.