Fréttir

Að loknu sumarleyfi var skrifstofan opnuð kl. 10:00 mánudaginn 13. ágúst . Aðgangi allra nemenda að Innu hefur verið lokað. Stundatöflur þeirra nemenda sem greitt hafa skólagjöldin verða aðgengilegar upp úr miðjum ágúst. Nánari upplýsingar verða hér á heimasíðunni þegar nær dregur. Stöðupróf verða haldin 16. til 20. ágúst og er skráning hafin. Kennarafundur verður kl. 10:00 þriðjudaginn 21. ágúst. Nýnemar eiga að mæta á fund rektors á Miklagarði, hátíðarsal skólans, þriðjudaginn 21. ágúst kl. 13:00 stundvíslega. Kennsla hefst samkvæmt stundaskrá miðvikudaginn 22. ágúst

Bréf frá MH var sett í póst fimmtudaginn 21. júní. Greiðsluseðill fyrir innritunargjöldum birtist sama dag í heimabanka forráðamanns og gildir greiðsla hans sem staðfesting á skólavist. Velkomnir nýnemar!

Í frétt á Visir.is segir m.a.: Þorgerður Ingólfsdóttir kórstjóri var í dag útnefnd Borgarlistamaður Reykjavíkur árið 2012. Útnefningin fór fram í Höfða þar sem Jón Gnarr borgarstjóri veitti listamanninum af þessu tilefni ágrafinn stein, heiðursskjal og viðurkenningarfé.  Hér má lesa fréttina í heild Til hamingju Þorgerður!

Föstudaginn 25. maí kl. 14 fór fram brautskráning stúdenta í hátíðarsal Menntaskólans við Hamrahlíð. Brautskráðir voru 188 stúdentar, 103 konur og 85 karlar. Skipting nemenda á brautir var eftirfarandi: 67 af félagsfræðabraut, 63 af náttúrufræðibraut, 39 af málabraut og 23 af  IB-braut, 3 af listdansbraut og 7 nemendur luku námi af tveimur brautum. Dúx þetta vorið var Halldór Bjarni Þórhallsson sem brautskráðist af náttúrufræðibraut með meðaleinkunn 9.75. Semidúx var Elín Broddadóttir sem brautskráðist af félagsfræðibraut og málabraut með meðaleinkunn 9.40. Einingadúx var Hildur Margrét Jóhannsdóttir sem brautskráðist af náttúrufræðibraut og lisdansbraut til stúdentsprófs og lauk 201 einingu. Í athöfninni var frumflutt verkið Beisik snilld eftir Halldór Bjarka Arnasson nýstúdent í flutningi hans, Steinunnar Völu Pálsdóttur og Bergs Þórissonar nýstúdenta. Þetta er einungis í annað sinn sem frumflutt er verk nýstúdents við útskrift en áður var það árið 1994. Til hamingju nýstúdentar!

Helstu tímasetningar frá prófalokum til útskriftar 18. maí, föstudagur kl. 16:00: Einkunnabirting í Innu bæði fyrir dag og öld. Opnað fyrir staðfestingu vals hjá dagskóla. 21. maí, mánudagur: Viðtalstími valkennara kl. 9 – 11. Prófasýning dag og öld kl. 11:15-12:15. Staðfestingu vals lýkur kl. 14:00. .ALLIR NEMENDUR VERÐA AÐ STAÐ FESTA VALIÐ SITT Öllum nemendum skólans er skylt að staðfesta val sitt fyrir næstu önn ætli þeir sér að stunda nám í skólanum þá. Þeir sem ekki staðfesta val og /eða greiða ekki skólagjöld eiga ekki vísa skólavist á haustönn 2012. Þegar búið er að birta einkunnir í Innu 18. maí, hafa nemendur tíma fram til kl. 14:00 þann 21. maí til að staðfesta valið. Ef nemendur þurfa aðstoð við að breyta valinu gera þeir það með valkennara milli klukkan 9 og 11 þann 21. maí. BREYTINGAR Á VALI Ef gera þarf breytingar á vali eru forsendur fyrir breytingum eftirfarandi: Fall í áfanga. Áfangi fellur út vegna þess að hann er ekki lengur í boði. Fyrsta varaval var sett inn í stað áfanga sem féllu niður, vegna ónógrar þátttöku. Synjun P-umsóknar. Ný hraðferðarheimild. Nemandi fær ekki hraðferðareinkunn í grein þar sem hann hefur gert ráð fyrir hraðferð, fær t.d. einkunn 7 í ÍSL103 en hefur valið ÍSL2034. Þá skal hann breyta vali. Nemandi óskar að fækka tímum í töflu með því að taka burt áfanga án þess að annar komi í staðinn. Áfangar sem féllu út: BRI1012,FÉL2236,ÍSL3L36,ÍSL3M36,ÍSK4236,JAP3036,LEI2S36,SAG2M36,SAG2Þ36,SÁL4036, STÆ3424,STÆ3636.UPP1036,ÞJÓ1436,ÞJÓ1636,ÞJÓ2636,ÞJÓ3636

Kór Menntaskólans við Hamrahlíð og Hamrahlíðarkórinn minnast dr. Róberts A. Ottóssonar með dagskrá í hátíðarsal MH á uppstigningardag, fimmtudaginn 17. maí kl. 20, en þann dag er öld liðin frá fæðingu Róberts. Aðgangur er ókeypis og allir velkomnir. 

Kór Menntaskólans við Hamrahlíð og Hamrahlíðarkórinn minnast dr. Róberts A. Ottóssonar með dagskrá í hátíðarsal MH á uppstigningardag, fimmtudaginn 17. maí kl. 20, en þann dag er öld liðin frá fæðingu Róberts. Hann fæddist í Berlín og stundaði þar tónlistarnám en flýði hingað til lands undan nasismanum árið 1935. Róbert var meðal merkustu tónlistarmanna landsins og starfaði á ýmsum vettvangi, meðal annars sem stjórnandi Sinfóníuhljómsveitar Íslands og Söngsveitarinnar Fílharmóníu, söngmálastjóri Þjóðkirkjunnar og kennari við Háskóla Íslands og Tónlistarskólann í Reykjavík. Þá var hann fyrsti Íslendingurinn til að ljúka doktorsprófi í tónvísindum með ritgerð sinni um Þorlákstíðir. Hamrahlíðarkórarnir syngja undir stjórn Þorgerðar Ingólfsdóttur, sem var nemandi Róberts, útsetningar hans á íslenskum og erlendum lögum, meðal annars raddsetningar sem hann gerði sérstaklega fyrir Kór Menntaskólans við Hamrahlíð. Einnig flytja kórarnir Miskunnarbæn fyrir kór og strengjasveit, sem er eitt fárra frumsamdra tónverka sem Róbert lét eftir sig. Þá mun Árni Heimir Ingólfsson tónlistarfræðingur flytja erindi um líf og starf Róberts. Aðgangur er ókeypis og allir velkomnir. 

Veikindi á prófdegi verður að tilkynna skrifstofu skólans (S: 5955200) fyrir kl. 14 samdægurs. Þá fær nemandinn upplýsingar um sjúkrapróf. Nemandinn mætir í sjúkrapróf á tilsettum tíma og skilar þar læknisvottorði fyrir veikindadaginn. Guðmundur Arnlaugsson prófstjóri er með viðtalstíma kl. 10 - 11 í st. 38.

Stúdentsefni kveðja skólann með skemmtun á sal kl. 11:10 - 12:10.

Ræðulið MH stóð sig ótrúlega vel á móti MA fimmtudaginn 29. mars. Með sigrinum er liðið komið í úrslit MORFÍs í fyrsta sinn síðan árið 2008. Keppnin verður haldin í Eldborgarsal Hörpu 26. apríl næstkomandi.