Fréttir

Dagana 9.-13. október velja nemendur áfanga fyrir næstu önn. Samkvæmt hefðinni er framboð áfanga fjölbreytt en mikilvægt er að nemendur kynni sér vel undanfarareglur einstakra áfanga. Á forsíðu heimasíðu skólans er að finna nánari upplýsingar og leiðbeiningar undir Valvika haust 2017.

Tveir MH-ingar tóku þátt í Evrópukeppni ungra vísindamanna sem haldin var í Tallin í Eistlandi.

Áttu rétt á jöfnunarstyrk? Nemendur sem stunda nám fjarri lögheimili og fjölskyldu eiga rétt á jöfnunarstyrk sem LÍN afgreiðir. Nánari upplýsingar er að finna inn á www.lin.is. Væntanlegir umsækjendur geta sótt um á INNU eða í heimabankanum. Umsóknarfrestur fyrir skólaárið 2017-2018 er til og með 15. október næstkomandi.

Kynningarfundur fyrir foreldra/forráðamenn verður haldinn fimmtudaginn 21. september kl. 19:30. Gestum gefst tækifæri til að kynnast starfsemi MH og hitta starfsfólk. Umsjónarkennarar munu funda með foreldrum / forráðamönnum og fara yfir starfið sem er framundan í vetur. Kór Menntaskólans við Hamrahlíð mun flytja tónlist undir stjórn Þorgerðar Ingólfsdóttur. ________________________________ Introductory evening for parents / guardians will be hosted 21. of September at 19:30. Even though the addresses in the first part of the evening are in Icelandic it is our belief that conversations with the IB administrator and parents of other IB students are of value both to you and our staff. Parents / Guardians will have the opportunity to meet teachers, administrators and staff and learn about MH and its services. The Hamrahlíð School Choir will sing under the direction of Þorgerður Ingólfsdóttir.

Næstkomandi mánudag er boðið upp á Gleðihlaup/-göngu, 5 km, vegna aukatíma í líkamsrækt 18. sept. Mæting er við Perluna kl: 9:00 og eru þátttakendur minntir á að taka með góða skó, drykk og nasl. Nemendur eru hvattir til að fjölmenna og byrja sérlega septemberviku af krafti með góðri hreyfingu.

Dagana 18. til 22. september verður horfið frá hefðbundnu skipulagi stundatöflu og munu tvöfaldir tímar lengjast, þ.e. morguntímar teygjast til 12:00 og síðdegistímar verða frá 12:30-16:00. Nemendur þurfa að mæta í þá stofu sem skráð er í stundatöflu í tvöfalda tímanum. Sérleg septembervika er hugsuð til að brjóta upp skólastarfið og munu margir nemendahópar vera á faraldsfæti, t.d. í vettvangsferðum eða í tilraunum sem ekki gefst tími til í hefðbundinni stundatöflu.

Nemendur eru hvattir til að kynna sér vel almanak haustannar. Þar er að finna mikilvægar dagsetningar viðburða í skólastarfinu sem og upplýsingar um skráningarfresti og próftímabil.

Lokafrestur til að staðfesta P-áfanga hjá kennara er föstudaginn 1. september.

Nemendur og starfsfólk er boðið velkomið á haustönn 2017. Nýnemar mæta á kynningafund á sal (Mikligarður) fimmtudaginn 17. ágúst kl. 13:00 Skólasetning er kl. 8:30 föstudaginn 18. ágúst og hefst kennsla í kjölfarið samkvæmt stundatöflu. Beiðnir um töflubreytingar er hægt að senda inn (tafla@mh.is) til kl. 12:00 miðvikudagsinn 16. ágúst. Lokadagur til að segja sig úr áfanga án falls er 25. ágúst og frestur til að staðfesta P-áfanga hjá kennara er 31. ágúst. Nemendur eru hvattir til að kynna sér vel almanak haustannar sem er aðgengilegt á heimasíðu skólans.

Stundatöflur haustannar 2017 (see English below) Stundatöflur nemenda opnast föstudaginn 11. ágúst. Nýir greiðslulistar eru keyrðir inn að morgni dags virka daga og opnast stundatöflur í kjölfarið. Nýnemar geta nálgast nánari upplýsingar og leiðbeiningar hér. Þeir sem telja sig þurfa töflubreytingu eiga að sækja um sem allra fyrst. Breyttar töflur birtast í Innu eftir því sem þær vinnast. Fyrstir koma fyrstir fá! Ef tafla á að vera tilbúin fyrir fyrsta kennsludag þarf breytingabeiðni að berast eigi síðar en kl. 12:00 miðvikudaginn 16. ágúst. Stokkakerfi stundatöflu MH má sjá hér. Smellið hér til þess að fá eyðublað og sendið það síðan í viðhengi á netfangið tafla@mh.is Kennsla hefst samkvæmt stundaskrá föstudaginn 18. ágúst að lokinni skólasetningu á sal kl. 8:30. Námsgagnalisti/bókalisti er aðgengilegur í Innu. Timetables for Fall 2017 Students who have paid their tuition fee can check their timetable on Inna August 11th. If necessary apply for changes to your class timetable as soon as possible and before noon on August 16th. Click here to get the sheet that you need to fill out if you apply for changes to your class timetable, fill it out and send it as an attachment to tafla@mh.is Teaching will start on Friday August 18th after a short welcoming from the headmaster. The booklist/námsgagnalisti is accessible in Inna.