Fréttir

Útskriftarefni kveðja skólann með skemmtun á sal frá 11:35 til 12:35.

Nemendur athugið. Próftafla ykkar er nú aðgengileg á Innu.Nemendur mega sækja um að hliðra próftöflu sinni ef: Tvö próf eru á sama tíma Þrjú próf eru á sama degi Ef tvö löng próf, lengri en ein klukkustund hvort próf, eru á sama degi. Ekki er leyft að breyta próftöflu vegna ferðalaga! Nemendur sem uppfylla ofangreind skilyrði geta sent Guðmundi Arnlaugssyni prófstjóra (profstjori@mh.is) tölvupóst fyrir þriðjudaginn 12. apríl. Spænskupróf - Nemendur í spænsku 1AA, 1BB og 1CC athugið. Af óviðráðanlegum orsökum verður lokaprófið í spænsku haldið 11. maí kl. 11. Þeim nemendum sem vilja frekar taka prófið á áður auglýstum degi, 17. maí kl. 11, býðst að gera það. Vinsamlegast látið spænskukennara vita ef þið kjósið þann möguleika.

Kórarnir í Hamrahlíð, Hamrahlíðarkórinn og Kór Menntaskólans við Hamrahlíð, kalla á vorið með tvennum tónleikum í hátíðarsal skólans á sumardaginn fyrsta.Þetta er hið árlega VORVÍTAMÍN kóranna, hátíð fyrir alla fjölskylduna með söng,hljóðfæraleik og ýmsum skemmtiatriðum og uppákomum. Það verður líf og fjörallan daginn, leikhorn fyrir börn, vísindastofa, hljóðfærastofa og kaffiveitingar. Fyrri tónleikarnir hefjast kl. 14 og síðari kl. 16 og eru þeir með ólíkum efnisskrám.Kórarnir hafa valið mörg lög á efnisskrá sem gestir verða hvattir til að taka undirog fagna sumarkomu. Aðgangur er ókeypis og allir eru hjartanlega velkomnir. Kór MH er nýkominn úr tónleikaferð um Norður- og Norðausturland en þar hélt hann 5 tónleika m. a. í tónlistarhúsinu Laugarborg í Eyjafjarðarsveit, Þórshafnarkirkju, Félagsheimilinu Miklagarði á Vopnafirði auk skólatónleika fyrir alla nemendur í Langanesbyggð og á Vopnafirði. Þá hafa Hamrahlíðarkórarnir nýlega lokið við upptöku með Sinfóníuhljómsveit Íslands á tónverki Daníels Bjarnasonar "The Isle is Full of Noises".

Föstudagskvöldið 8. apríl  heldur kórinn tónleika í tónlistarhúsinu Laugarborg í Eyjafjarðarsveit kl. 20:30. Laugardagskvöldið 9. apríl heldur kórinn tónleika í Þórshafnarkirkju kl. 20:30.        Sunnudaginn 10. apríl syngur kórinn við messu í Skeggjastaðakirkju í Bakkafirði kl. 13 og heldur tónleika í Félagsheimilinu Miklagarði á Vopnafirði kl. 17. Mánudaginn 11. apríl heldur kórinn tvenna skólatónleika, þá fyrri fyrir nemendur í Vopnafjarðarskóla kl.9:30og síðan fyrir Grunnskólana á Þórshöfn og Bakkafirði kl. 13. Aðgangur er ókeypis á alla tónleikana. Á efnisskrá kórsins í tónleikaferðinni eru íslensk og erlend tónverk m. a. eftir J. S. Bach, Carl Orff, Ariel Ramirez, Emil Thoroddsen, Jón Þórarinsson, Jón Nordal, Atla Heimi Sveinsson, Þorkel Sigurbjörnsson og Huga Guðmundsson auk þjóðlaga frá ýmsum löndum. Efnisskráin er svo fjölbreytt að kórinn flytur ólík verk eftir því hvort um er að ræða t. d. kirkjutónleika eða skólatónleika. Margir hljóðfæraleikarar eru meðal kórfélaga. Á þessari vorönn er Kór Menntaskólans við Hamrahlíð skipaður 85 nemendum á aldrinum 16 - 20 ára. Stjórnandi kórsins er Þorgerður Ingólfsdóttir. Fararstjórar í ferðinni eru rektor Menntaskólans við Hamrahlíð,  Lárus H. Bjarnason og Orri Páll Jóhannsson fulltrúi Reykjavíkurborgar í skólanefnd MH. Þetta er í fyrsta sinn sem Kór MH heimsækir Langanesbyggð og Vopnafjörð.

Anna G. Steinsen, tómstunda-og félagsmálafræðingur, heilsumarkþjálfi og jógakennari, fjallar um álag, streitu og kvíða framhaldsskólanema og hvernig hægt er að sporna gegn því að þessi líðan verði viðvarandi. Unglingarnir okkar þurfa að takast á við mikinn hraða og áreiti. Það dynja á þeim allskyns skilaboð úr öllum áttum um hvernig þeir eiga að vera, hvað þeir eiga að gera og hvernig þeir eiga að haga sér. Kvíði og streita er ekki eitthvað sem við viljum að unga fólkið okkar fari með út í lífið og því spurning hvað við getum gert sem foreldrar. Við hvetjum alla foreldra til að koma og hlusta á áhugaverðan fyrirlestur miðvikudaginn 6. apríl kl. 20:00 í st. 11 í MH. Foreldraráð MH

Kennsla samkvæmt stundaskrá hefst aftur miðvikudaginn 30. mars.

Mánudaginn í dymbilviku, 21. mars, verður skrifstofa skólans opin frá kl.10:00 til kl. 14:00. Eftir páska verður skrifstofan opin frá og með þriðjudeginum 29. mars á auglýstum skrifstofutíma. Kennsla hefst svo miðvikudaginn 30. mars. The office will be open between 10 am and 2 pm on Monday the 21st. After that it will be closed for Easter holiday until 9:30 on Tuesday the 29th.  Teaching will start again on Wednesday March 30th.  Gleðilega páska!

Mánudaginn 14. mars kl. 19:00 mun Nemendafélag Menntaskólans við Hamrahlíð bjóða nemendum í skólanum upp á fræðslu um streitu og kvíða. Steinunn Anna Sigurjónsdóttir sálfræðingur hjá Kvíðameðferðastöð og fyrrum nemandi við MH mun koma og fjalla um kvíða, einkenni hans og hagnýtar og góðar leiðir til að takast á við kvíða. Kvíði hefur aukist meðal framhaldsskólanema og er kvíði oft nefndur sem ástæða brotthvarfs úr framhaldsskóla. Það er því mikilvægt að opna umræðuna um kvíða og hvetjum við nemendur til að mæta og fræðast um kvíða og leiðir til að takast á við hann. Í Norðurkjallara  kl. 19 14. mars. Hlökkum til að sjá ykkur!

Allir nemendur sem ætla að stunda nám í skólanum á haustönn 2016 verða að velja áfanga fyrir næstu önn. Valið er bindandi og stendur frá 29. febrúar- 6. mars.  Þess vegna ættu allir að fara að huga að valinu, fara á heimasíðu skólans undir:  upplýsingar um val – áfangar og skoða ”áfanga í boði”, ”Leiðbeiningar fyrir val”  til að glöggva sig á framgangi valsins. Prófdagar haustannar. Einnig eru á heimasíðunni sérstakar leiðbeiningar fyrir þá sem eru að velja í fyrsta skipti undir:Ábendingar um námsval eftir fyrstu önn. Leiðbeiningar um innslátt á vali eru í handbók forráðamanna á heimasíðu MH. It is high time to select courses for the autumn term 2016 Starting February 29th you can enter the courses of your choice for next term. The last day to select is Friday March 6th. Áfangaframboð /available courses for the next term are now to be seen on our homepage. Guide to course selection in IB. Nemendur verða skráðir í hóp hjá sérstökum valkennara í áfanga sem heitir VAL1001.   Þessi áfangi ásamt hópnúmeri og nafni valkennara, birtist með rauðu letri fyrir ofan stundatöfluna ykkar í Innu.  Þessi tiltekni valkennari verður ykkur innan handar við að velja ásamt því að sjá til þess að þið ljúkið að velja á réttum tíma.  Sláið sjálf inn valið ykkar.  Þegar þið hafið slegið inn valið sendið þá póst til valkennarans og skrifið bæði nafn og kennitölu þannig að valkennarinn viti hverjir hafi lokið við að slá inn valið. Auk þess verða námstjórar og áfangastjóri til viðtals fyrir alla nemendur um valið.