Fréttir

Brautskráning 21. des. 2023

Brautskráðir voru 82 nemendur frá Menntaskólanum við Hamrahlíð af fjórum námsbrautum. Flestir útskrifuðust af opinni braut eða 59 nemendur, 10 af náttúrufræðibraut, 10 af félagsfræðabraut og 4 af málabraut. Alls voru 4 nemendur brautskráðir með ágætiseinkunn á stúdentsprófi, þ.e. vegin meðaleinkunn yfir 9,00. Að þessu sinni var dúx skólans Jakob Bjarni Ingason, stúdent af félagsfræðabraut, með 9,63 í meðaleinkunn. Semidúx var Helga Þórdís Benediktsdóttir sem útskrifaðist af náttúrufræðibraut með 9,49 í meðaleinkunn. Helga Þórdís hlaut einnig viðurkenningu fyrir ágætan námsárangur í eðlisfræði og spænsku auk viðurkenningar fyrir ágætan námsárangur í stærðfræði frá Íslenska stærðfræðafélaginu.
Lesa meira

Staðfestingardagur og einkunnir

Prófum er lokið og einkunnir sýnilegar í Innu. Á morgun er staðfestingardagur þar sem nemendur geta hitt umsjónarkennarana sína og farið yfir valið fyrir næstu önn. Umsjónarkennarar eru við milli klukkan 10:00-10:45 og má sjá staðsetningu þeirra hér á heimasíðunni. Námsráðgjafar, námstjórar, áfangastjóri og konrektor verða einnig við, ykkur til aðstoðar. Einhverjir þurfa að gera breytingar miðað við gengi haustannar og hvetjum við ykkur öll til að skoða valið ykkar vel. Prófsýning er milli 11:15 og 12:15 í auglýstum stofum. Eindagi skólagjalda er 21. desember.
Lesa meira

Spennandi dagur

Í dag er síðasti prófdagur skv. próftöflu og eru nemendur í frönsku og eðlisfræði væntanleg í hús af því tilefni. Klukkan 14 í dag munu nemendur sem lært hafa þýsku í MH mæta í stofu 27 þar sem þýskudeildin stendur fyrir vinnustofu með þýskum söngvara að nafni Darius Zander. 
Lesa meira

Vörpum fjólubláu út í umhverfið

Fjólublár er litur alþjóðlegrar réttindabaráttu fatlaðs fólks og er Menntaskólinn við Hamrahlíð upplýstur með fjólubláum kösturum til að sýna stuðning. Markmiðið er upplýst samfélag – ekki aðeins þessa daga heldur alla daga, samfélag þar sem fatlað fólk nýtur verðskuldaðrar virðingar og sjálfsagðra réttinda.
Lesa meira

Lokapróf haustannar

Lokaprófin hefjast mánudaginn 4. desember skv. próftöflu. Fyrstu prófin eru enska og heimspeki og svo koma fögin koll af kolli. Nemendur sjá sína eigin próftöflu í Innu og þar kemur líka fram klukkan hvað prófin byrja. Passið vel upp á að lesa þetta vel svo þið missið ekki af prófi. Allir nemendur fengu tölvupóst í dag frá prófstjóra þar sem farið er yfir helstu atriði varðandi próftökur í MH. Gangi ykkur sem best og munið að huga vel að hreyfingu, næringu og svefni á meðan á prófatímabili stendur.
Lesa meira

Síðasti kennsludagurinn liðinn

Í dag var síðasti kennsludagur haustannar 2023 og notuðu tilvonandi stúdentar tækifærið og kvöddu skólann sinn. Restina af deginum nota þau til að gera sér dagamun áður en prófatörnin hefst á mánudaginn. Góða skemmtun í dag og takk fyrir okkur.
Lesa meira

Þekking, ábyrgð, virðing og víðsýni

Í vor var efnt til samkeppni um listaverk á vegg á Matgarði sem átti að sýna gildi skólans. Hugmyndin hennar Heiðu Maríu Hannesdóttur var valin og hefur hún verið að mála það núna á haustönninni. Í dag afhenti hún svo verkið og tók Steinn rektor stoltur við því. Verkið er stórglæsilegt og má lesa gildi skólans í ramma þess. Takk kærlega Heiða María fyrir alla þína vinnu. Heiða María á einnig listaverk sem er á bókasafninu og sést í fréttinni hér fyrir neðan.
Lesa meira

Sokkur EHF

Nemendur í frumkvöðlafræði komust í úrslit í MEMA nýsköpunarhraðlinum 2023 með verkefnið Sokkur EHF. Hugmyndin gengur út á að hreinsa plast og annað rusl úr ám og lækjum áður en það rennur út í sjó. Í keppninni áttu nemendur að vinna með 14. Heimsmarkmiðið "Líf í vatni". Til hamingju með árangurinn MH-ingar.
Lesa meira

Jafnréttisfræðsla í MH

Jafnréttisfræðsla var fyrirferðarmikil hjá okkur í nóvember. Karen jafnréttisráðgjafi heimsótti nýnemana okkar í lífsleikni og fór yfir kynheilbrigðismál með þeim, samþykki og mörk. Hún var einnig með jafnréttisfræðslu fyrir útskriftarefnin og ræddi þar um forréttindi og mismunun innan kynjakerfisins. Þetta var svo toppað þegar nýnemahóparnir og útskriftarefnin sameinuðust á Miklagarði en þar var baráttukonan Þórdís Elva Þorvaldsdóttir komin til þess að fræða hópana um stafrænt samþykki.
Lesa meira