Umhverfisstefna

Markmið skólans er að efla umhverfisvitund. Í því felst m.a. að:

• stuðla að ábyrgri afstöðu til náttúrulegra gæða og auðlindanýtingar,
• glæða skilning á vistkerfum og sjálfbærri þróun,
• skapa tækifæri til útivistar í íslenskri náttúru,
• tengja umhverfismál við sögu og menningu þjóðarinnar,
• vera til fyrirmyndar og hvetja til góðrar umgengni um náttúru, híbýli og nánasta umhverfi.

Öllu starfsfólki skólans er uppálagt að sýna gott fordæmi og leiðbeina um góða umgengni í skólanum og í ferðum á vegum hans.

Skólinn dró Grænfána að húni á vorönn 2016.