Einingar

Haustið 2015 tók gildi nýr einingamælikvarði fyrir alla áfanga og þar með nám á hverri braut. Almenn námskrá framhaldsskóla kveður á um að stúdentspróf skuli vera á bilinu 200 – 240 framhaldsskólaeiningar en 60 einingar eru samsvarandi einu ári miðað við hefðbundinn námshraða. Að baki hverri framhaldsskólaeiningu eru 18-24 klukkutímar í tímasókn og vinnu fyrir nemandann.  Það þýðir að fimm eininga áfangi er á bilinu  til 90 - 120 klst vinna fyrir nemandann.

Í skólanámskrá vísa orðin „Ný námskrá“ til breytinga sem urðu á árunum 2012 og 2013. 

Frá hausti 2016 innritast nýnemar úr grunnskóla á brautir sem lýkur með 215 einingum.

Nú er það svo að hver kennslustund í MH er klukkustund að lengd og flestir áfangar eru fimm einingar . Slíkir áfangar eru að jafnaði kenndir á fjórum klukkustundum á viku, nema að um hraðferð eða hægferð sé að ræða.

Síðast uppfært: 12. september 2018