MH 60 ára

Listaverkið Öldugjálfur eftir Ásmund Sveinsson, sem staðið hefur í Útgarði, verður tekið í gegn og fundinn nýr staður á lóð skólans. Hornsteinar Arkitektar sýna okkur hér hvernig listaverkið gæti tekið sig út fyrir framan skólann.

Í dag, 24. september, eru 60 ár liðin frá því Menntaskólinn við Hamrahlíð var settur í fyrsta skipti af Guðmundi Arnlaugssyni, þáverandi rektor. Af því tilefni verður blásið til afmælisveislu á laugardaginn hér í MH. Húsið verður opnað kl. 10:00 og stendur dagskráin fram eftir kvöldi. Dagskrána í heild sinni má finna hér á heimasíðunni og á samfélagsmiðlum tengdum MH.

Við erum mjög spennt að taka á móti öllum.