MH 60 ára haustið 2026

Dagskrá afmælishátíðarinnar, laugardaginn 26. september:

MATGARÐUR

10-11:30 Morgunmatur í áranna rás. Hér gefst fyrrverandi nemendum kostur á að finna borðið sitt og rifja upp góðar stundir. Sómalía verður með veitingar til sölu í anda skólaáranna, svo sem uxahalasúpu, harðsoðin egg, rækjusamlokur og fílakaramellur.

12- 17 Kaffihús að hætti kórsins þar sem kaffi og kökur verða á boðstólum gegn vægu verði.

12-15 Gönguleiðsögn um skólann hefst á klukkutíma fresti þar sem einn kennari við skólann sem einnig er fyrrverandi nemandi og einn núverandi nemandi bjóða upp á leiðsögn og skiptast á sögum frá námsárum sínum.

UM ALLAN SKÓLANN

10-17 Myndlistarsýning þar sem sýningarstjórar eru fyrrum nemendur MH sem nú gera garðinn frægan í LHÍ. Sýningin er á neðrihæð nýja skólans, íþróttahúsi og líffræðistofum. Listamennirnir eru:

Agnes Ásta Guðmundsdóttir, Alex Hellsing, Björn Ingi Baldvinsson, Elísabet Úa Þórhallsdóttir, Eva Claire Sæmundsdóttir, Gríma Valsdóttir, Halldór Hrafnkell Thorlacius, Hera Katrín Karlsdóttir, Hildur Margrét Bolladóttir, Hjaltalín Hanný Aspar, Hulda Biering, Illugi Vilhelmsson, Ingibjörg Þórðardóttir, Ingunn Eyja, Irma Sara, Jóhanna Júlíusdóttir, Jórunn Elanóra Haraldsdóttir, Konráð Bjartur Bryndísarson Torfason, Kristjón Karl Guðmannsson, Lára Stefanía Guðnadóttir, Mirra Þórhallsdóttir, Nína Þorbjörg Árnadóttir, Ollie Birki Sánchez-Brunete, Saga Eldarsdóttir, Steinunn Vikar Jónsdóttir,Tómas Van Oosterhout og Þórhallur Runólfsson.

10-17 Í fréttum var MH helst- saga MH í hreyfimyndum í stofu 11.

10:30-17 Vídeólistaverk og stuttmyndir eftir myndlistar- og kvikmyndagerðarfólk úr hópi fyrrum nemenda MH verða sýndar í stofum 28-38, en meðal þeirra má nefna þau Ásu Helgu Hjörleifsdóttur, Rúnar Rúnarsson, Hönnu Helgu Hafþórsdóttur og Emmu Heiðarsdóttur.

10:30-17 Sagan okkar! Bókasafnið býður á sögusýningu þar sem má glugga í gömul Beneventum, Skaramúss og leikskrár og ýmislegt fleira úr sögu skólans verður til sýnis.

10:30-17 Söfnun Munnlegra Heimilda MH í hlaðvarpssófa á bókasafninnu þar sem sögukennarar taka gesti tali og safna misritskoðuðum minningum um skólalífið í MH gegnum tíðina.

11-13 Skákþrautir og opið tafl á Miðgarði.

12-17 Dans út um allt! Nemendur í listdansi sýna dans víða um skólann í samstarfi við listdansskólana sem þau stunda nám í.

12-17 Gjörningalist LFMH í Undirheimum.

12-17 Refsarinn: Helstu afrek Myndbandabúa til sýnis í stofu 15.

Ormurinn langi bíður þess áfjáður á Miðgarði að stækka með liðsinni afmælisgesta!

NORÐURKJALLARI

13:30-15 Hamraskáld að fornu og nýju lesa úr verkum sínum.

Skáldin eru: Gerður Kristný, Þórunn Erla Valdimarsdóttir, Fríða Ísberg, Bergur Ebbi, Yrsa Þöll Gylfadóttir, Brynja Hjálmsdóttir, Nína Sólveig Svavarsdóttir, Þórdís Dröfn, Margrét Lóa, Embla Karen Egilsdóttir og Andrejs Macanovs.

Kynnir: Flóki Dagsson

15-16 Listaskólinn við Hamrahlíð. Pallborðsumræður um hlutverk og áhrif MH á listalíf á Íslandi.

Þátttakendur eru: Berglind María Tómasdóttir, deildarforseti tónlistar í Listaháskóla Íslands Páll Valsson, ritstjóri og útgefandi Bjarts, Auður Jörundsdóttir, verkefnastjóri sýninga í Listasafni Íslands og Nína Hjálmarsdóttir, lektor við sviðslistadeild Listaháskóla Íslands.

Stjórnandi: Erla Björg Gunnarsdóttir, menningarritstjóri RÚV

16-17 Gettu betur áskorendaeinvígi

Sigurlið skólans í Gettu betur frá 2025, Atli Ársælsson, Flóki Dagsson og Valgerður Birna Magnúsdóttir tekur áskorun nýstofnaðs liðs fyrrum nemenda: Daða Más Kristóferssonar, fjármálaráðherra, Silju Báru Ómarsdóttur rektors Háskóla Íslands og Stefáns Eiríkssonar útvarpsstjóra.

Í Maraþaraborg verður hægt að fá núðlusúpu og vont kaffi.

MIKLIGARÐUR

13-14:30 Klassíkin okkar!

Tónleikar með sígildri og samtíma tónlist flutt af sígildum og samtíma nemendum. Meðal þeirra má nefna Hallveigu Rúnarsdóttur söngkonu og Hrönn Þráinsdóttur píanóleikara, Elvar Sindra Guðmundsson slagverksleikara, Kvartettinn 4G með Gunnhildi Daðadóttur fiðluleikara í broddi fylkingar, Sól Björnsdóttur píanóleikara, Birnu Kristjánsdóttur flautuleikara og Sellókór MH-inga undir stjórn Hrafnkels Orra Egilssonar.

Kór Menntaskólans við Hamrahlíð frumflytur nýjan skólasöng við texta eftir Braga Valdimar Skúlason og úrslit í kórverkakeppni sem efnt var til í tilefni af afmælinu verða tilkynnt.

15-16:30 Leiklistin okkar!

Leiklistardagskrá þar sem fyrrverandi og núverandi spunameistarar þreyta kappi, leiklesið verður úr Náttúruóperunni sem Andri Snær Magnason samdi fyrir LFMH árið 1998 og nemendur í söngleikjalist flytja dúetta en meðal þeirra má nefna Hönnu Imgront, Storm Fannarsson, Arnar Leví, Katrínu Löve, Kristbjörgu og Ljósbjörgu. LFMH sýnir atriði úr Diskóeyjunni og Rocky Horror.

16:30-17 Rocky Horror 35 ára.

Í ár eru 35 ár síðan söguleg leiksýning LFMH var sett á svið í Iðnó en hún markaði fyrstu skref ýmissa listamanna að stærri sviðum. Fyrrum stjórn LFMH afhendir Leikminjasafninu ýmsa muni úr sýningunni frá 1991 til varðveislu, brot úr upptöku af sýningunni verða sýnd á breiðtjaldi og flutt verða lög úr sýningunni.

19-23 Hamrahljóð!

Stórtónleikar fyrrverandi og núverandi nemenda.

Fram koma Páll Óskar og Benni HemmHemm, Snorri Helgason, Ragnheiður Gröndal, Meðaltal, Svigrúm, Gammósíur, Tommi G, Unnsteinn Manuel, Lára, Litlasveit, Salsakommúnan og Baggalútur.

Ofursveit MH undir stjórn Jökuls Jónssonar með Sigríði Thorlacius í broddi fylkingar slær svo botninn í tónleikana en hana skipa auk hennar Andri Ólafsson, Guðmundur Óskar, Bragi Valdimar, Karl Sigurðsson, Kristbjörn Helgason, Karl Olgeirsson, Þórður Árnason og Jakob Frímann Magnússon.

Aðgangur er ókeypis meðan húsrúm leyfir en skólayfirvöld áskilja sér rétt til að takmarka aðgang ef þeim þykir þurfa.

_______________

Þann 24. september 2026 eru 60 ár liðin frá því Menntaskólinn við Hamrahlíð var settur í fyrsta skipti af Guðmundi Arnlaugssyni, þáverandi rektor. Skólinn hyggst halda upp á tímamótin og nú vinnur afmælisnefnd að undirbúningi veglegrar hátíðar sem haldin verður laugardaginn 26. september. MH-ingurinn Brynhildur Björnsdóttir er í forsvari nefndarinnar en hana skipa auk hennar formaður Nemenda- og hollvinasamtaka MH (NHMH), rektor, konrektor, fulltrúar kennara og nemenda. Nefndin hittist reglulega og vinnur að skipulagningu metnaðarfullrar dagskrár þar sem nemendur fyrr og nú eru í aðalhlutverki. Á afmælisárinu verður jafnframt lögð sérstök áhersla á listir í víðum skilningi, meðal annars með viðburðum tengdum tónlist og myndlist sem endurspegla ríka menningarhefð skólans.

NHMH og Beneventumsjóður

Nemenda- og hollvinasamtök MH (NHMH) og stjórn Beneventumsjóðs freista þess að styðja skólann á afmælisárinu. Valfrjáls greiðsluseðill, merktur MH–60 ára, Beneventumsjóður, hefur verið sendur í heimabanka útskrifaðra MH-inga. Þeir sem vilja leggja sjóðnum lið í tilefni afmælisins, en hafa ekki fengið greiðsluseðil, geta styrkt verkefnið með því að leggja inn á reikning sjóðsins 0357-22-003364, kt. 650594-2749. Stjórn skólans metur þetta framtak mikils og færir öllum velunnurum innilegar þakkir fyrir stuðninginn.

Tónverkakeppni

Afmælisnefnd í samvinnu við Beneventumsjóð hefur ákveðið að efna til samkeppni um tónverk fyrir Kór Menntaskólans við Hamrahlíð, samið við ljóð eftir núverandi eða fyrrum nemendur skólans. Þátttakendur velja úr fimm ljóðum en höfundar þeirra eru: Gerður Kristný, Guðrún Lilja Ólafsdóttir, Hallgrímur Helgason, Lofn og Sóley Mjöll Ásgeirsdóttir. Ljóðin og nánari upplýsingar um keppnina má finna hér. Skilafrestur tónverka er til 14. ágúst.
- Við erum þakklát fyrir góðar viðtökur sem keppnin fékk og þegar umsóknarfrestur rann út höfðu 29 verk borist í keppnina. Dómnefndinni verður vandi á höndum og bíðum við hin spennt eftir að frétta af úrslitum sem verða tilkynnt 26. september.

Listaverk við MH

Unnið er að heildstæðu skipulagi og bættri staðsetningu listaverka á lóð skólans. Stjórn Beneventumsjóðs vinnur að verkefninu í samstarfi við arkitekta skólans og Listasafn Reykjavíkur. Listaverkið Öldugjálfur eftir Ásmund Sveinsson, sem staðið hefur í Útgarði, verður tekið í gegn og fundinn hentugri staður á lóð skólans. Útskriftarárgangur 1982 gaf listaverkið Vegvísi á tíu ára útskriftarafmæli sínu til minningar um Jóhann Hjálmarsson húsvörð og kostaði lagfæringar á því og flutning fyrir framan skólann - sjá frétt á heimasíðunni. Markmiðið er að tryggja að verkin njóti sín sem best og verði sýnilegri í umhverfinu.

Síðast uppfært: 22. september 2026