Frá umhverfisnefnd

Í skólanum er starfandi umhverfisnefnd, skipuð starfsfólki og nemendum. Hún vinnur með stjórnendum að því að skólinn verði Grænfánaskóli fyrir afmælisárið 2016. Meðal þess sem hefur áunnist er bygging hjólaskýlis við skólann vorið 2014 og uppsetning og kynning á sorpflokkunarkerfi veturinn 2014–2015. Haustið 2015 hófst svo sérstakt átak til að hvetja nemendur til að taka með sér margnota ílát fyrir graut, nesti, kaffi og te. Hugmyndir að breytingum kvikna margar hverjar á skólaþingi á Lagningardögum, en árlega koma þar saman nemendur og starfsfólk til að ræða hvernig megi bæta skólann. Af hugmyndum um umhverfismál eru nokkrar valdar sem leiðarstef umhverfisnefndar hverju sinni.Nemendur og starfsfólk eru ávallt hvatt til þess að nota umhverfisvæna ferðamáta sem gjarnan hefur í för með sér aukna hreyfingu svo sem að hjóla, ganga eða taka strætó. Þannig tengist verkefnið einnig heilsueflandi skóla.Finna má upplýsingar um það sem er á döfinni hjá umhverfisnefnd á fésbókarvegg nefndarinnar. Landvernd stýrir Grænfána-verkefninu á Íslandi og fylgist með framförum skólans í umhverfismálum. Fyrir hönd umhverfisnefndar, Bjarnheiður.