Ungir einleikarar með Sinfóníuhljómsveit Íslands

Tveir af fjórum ungum einleikurum sem stigu á svið með Sinfóníuhljómsveit Íslands í gærkveldi eru eða voru nemendur MH. Sólveig Steinþórsdóttir fiðluleikari er núverandi nemandi skólans og Geirþrúður Anna Guðmundsdóttir sellóleikari útskrifaðist frá okkur um jólin. Þær, ásamt Einari Bjarti Egilssyni og Unnsteini Árnasyni voru vinningshafar í keppni ungra einleikara. Hér er tengill í frétt á heimasíðu Sinfóníuhljómsveitar Íslands. Til hamingju!