Próflok, sýnidagur prófa og staðfestingardagur

Nú er prófum lokið hjá langflestum MH-ingum og búið er að opna fyrir einkunnir.

Sýnidagur prófa er kl. 11:15-12:15 fimmtudaginn 21. maí.

Stúdentsefni sem þurfa að taka endurtektarpróf fá símtal þess efnis milli kl. 12 - 16 miðvikudaginn 20. maí en þau sem ekkert símtal fá geta byrjað að pússa stúdentshúfuna og henda í smurbrauðstertu.

Staðfestingardagur er fimmtudagurinn 21. maí og þá verður opið fyrir breytingar á áfangavali nemenda. Mikilvægt er að yfirfara valið og muna að staðfesta. Lista yfir áfanga sem nú þegar er vitað að falla niður má finna hér á heimasíðunni.

Umsjónar- og lífsleiknikennarar eru til viðtals kl. 10-11 og geta nemendur komið og hitt þau til að fá ráðleggingar varðandi áfangaval.