Góður árangur í forkeppni stærðfræðikeppninnar

Við óskum Ásgrími Ara Einarssyni, Emil Kára Magnússyni, Guðna Fannari Kristjánssyni, og Kára Gunnarssyni til hamingju með góðan árangur í forkeppni stærðfræðikeppni framhaldsskólanema sem fram fór 8. október síðastliðinn.  Með góðum árangri hafa þessir nemendur áunnið sér rétt til þátttöku í lokakeppninni sem fram fer í mars á næsta ári. Þess ber að geta að Kári Gunnarsson var í þriðja sæti á neðra stigi og vann til bókaverðlauna. Við óskum honum innilega til hamingju með árangurinn.