Leiðbeiningar fyrir val

Öllum nemendum MH, sem ætla að stunda nám í skólanum á vorönn 2017, er skylt að velja áfanga fyrir næstu önn.  Valið er bindandi.

1. Farið vel yfir valið og ferilinn.  

2. Sláið sjálf inn valið ykkar. Þegar þið hafið slegið valið inn sendið þá póst til valkennara. Nafn hans er á stundatöflu ykkar fyrir aftan VAL1001. Í póstinn til valkennarans skrifið þið bæði nafn ykkar og netfang þannig að valkennarinn viti hverjir hafa lokið við að slá inn val.

3. Veljið þrjár greinar til að setja í varaval.

4. Munið að vanda val ykkar því það er bindandi og verður einungis breytt ef brýn ástæða er til.

5. Þeir einir teljast á síðustu önn sem eiga 40 eða færri bóklegum einingum ólokið.

6. Við úrvinnslu valsins verður höfð hliðsjón af námsárangri á síðustu önnum. Síst verður hróflað við vali þeirra nemenda sem sýnt hafa að þeir ráða við fulla töflu.

7. Sex fimm eininga áfangar að viðbættri líkamsrækt og lífsleikni telst full tafla eða 30 til 32 einingar.

8. Kynnið ykkur reglur um P-áfanga á heimasíðu MH. Sótt er um á sérstökum eyðublöðum sem liggja frammi fyrir framan skrifstofuna.

9. Fyllið út eyðublað um P-áfanga meðan á vali stendur og skilið á skrifstofu.

10. Nemendur sem ætla að sækja um leyfi á næstu önn/önnum hafi samband við áfangastjóra.

11. IB áfangar eru opnir dagskólanemum ef pláss er í áföngunum.

 

Leiðbeiningar fyrir innslátt á vali.

Ábendingar um val eftir fyrstu önn

Síðast uppfært: 10. ágúst 2017