Opin braut

OPB - opin braut - 205 einingar.

Brautin býr nemendur undir mismunandi nám á háskólastigi allt eftir samsetningu nemandans sem velur þrjár kjörgreinar og lýkur samtals 60 e. í þeim. Þetta nám er viðbót við grunninn. Fyrsta kjörgrein þarf að vera 25 e. umfram kjarnaeiningar, önnur kjörgrein þarf að vera 20 e. og þriðja kjörgrein 15 e. umfram kjarna. Úr þessum greinum myndar nemandinn sína eigin fléttu. Við val á kjörgreinum þarf að hafa í huga skilyrði um lágmarksfjölda eininga á öðru og þriðja hæfniþrepi. Skipulag brautarinnar þar sem nemendur geta valið kjörgreinar eftir áhugasviði og framtíðaráformum styður markvissan undirbúning fyrir nánast hvaða háskólanám sem er, þar með talið verkfræði, læknisfræði, lögfræði, hagfræði og viðskiptafræði. Nemendur geta fengið aðstoð til þess að fella nám brautarinnar að áherslum annarra brauta s.s. náttúrufræðibrautar.

Flestar námsgreinar sem kenndar eru við skólann koma til greina sem kjörgreinar. Viðmiðið er að námsgreinarnar nái lágmarksfjölda áfanga innan hverrar kjörgreinar. Nemendur ákveða kjörgreinar í samráði við umsjónarkennara, valkennara, námsráðgjafa eða námstjóra. ATH að meirihluti eininga í fyrstu kjörgrein þarf að vera tekinn í MH.

Tónlist eða listdans sem kjörgrein.

  • Tónlist getur verið síðasta kjörgrein ef um miðpróf er að ræða og einn framhaldssáfanga á hljóðfæri, samtals 15 einingar.
  • Listdans getur verið síðasta kjörgrein ef um samfellt nám í klassískum dansi (KLAD...) eða nútímadansi (NTDA...) er að ræða, samtals 15 einingar.

OPB - opin braut - 215 einingar
Þeir sem stefna á að útskrifast af eldri opinni braut þar sem stúdentsprófið er 215 einingar þurfa þrjár til fjórar kjörgreinar. Fyrsta kjörgrein þarf að vera a.m.k. 25 e. umfram kjarnaeiningar, önnur og þriðja kjörgrein a.m.k. 15 e. umfram kjarna. Auk þess velur nemandi annað hvort fjórðu kjörgrein með a.m.k. 15 e. umfram kjarnaeiningar eða bætir við sig einingum í fyrstu til þriðju kjörgrein. 

Nýnemar haust 2019, námsferilsblað opinnar brautar 205 e. (pdf)

Námsferilsblað opinnar brautar 205 e. ( excel)

 

Nemendur sem útskrifast jól 2019, útskrifast með lágmark 215 einingar.

Námsferilsblað opinnar brautar (pdf)
Námsferilsblað opinnar brautar (excel)

Nánari lýsing inn á námskra.is

Síðast uppfært: 21. október 2019