Veikindaskráning

Veikindaskráning nemenda fer fram í Innu

Einungis foreldrar eða forráðamenn geta skráð veikindi nemenda sem eru yngri en 18 ára. Nemendur 18 ára og eldri skrá veikindi sín sjálfir.

Opnið Innu:

• Smellið á „Skrá veikindi“ neðst til hægri á forsíðunni. Þessi hnappur birtist aðeins hjá foreldrum/forráðamönnum nemenda yngri en 18 ára og hjá nemendum 18 ára og eldri en ekki hjá nemendum yngri en 18.

• Merkið við „Í dag“ og/eða „Á morgun“ ef það á við
• Skrifið skýringu í athugasemdareitinn (frá og með janúar 2022 leggjum við mikla áherslu á að þessi reitur sé fylltur út).
• Smellið á „Senda inn“

 Eftirfarandi reglur gilda um skráningu veikinda:

• Veikindi nemenda þarf að skrá strax sama morgun í Innu. Ekki er hægt að færa inn veikindi aftur í tímann. 
• Ekki er hægt að skrá veikindi fyrir einn og einn tíma. Ef nemandi þarf að fara til læknis þá tekur hann á sig þær fjarvistir.
• Ef veikindi vara lengur en í viku þarf að skila læknisvottorði. Það þarf að berast skrifstofu skólans innan fimm skóladaga eftir að veikindum lýkur.   
• Vottorð sem eru eingöngu vegna íþrótta, s.s. vegna tímabundinna meiðsla, eiga að berast til íþróttakennara viðkomandi nemanda. 
• Ef samanlögð veikindi á einni önn fara fram yfir 15 skóladaga ber nemanda að gera námsráðgjafa grein fyrir aðstæðum sínum.
• Fjarvistir vegna veikinda útiloka ekki einar og sér nemanda frá því að þreyta lokapróf. Nemandi sem aðeins getur sótt skólann að hluta vegna langvarandi veikinda þarf að hafa nána samvinnu við námsráðgjafa um skipulagningu námsins. 

Frekari upplýsingar um skólasóknarreglur má finna á heimasíðu skólans undir Námið > Skólareglur > Skólasóknarreglur.