LÍFF4DL05 - Líffæra- og lífeðlisfræði - framhaldsáfangi

Staða áfanga:

Áfanginn er valáfangi á náttúrufræðibraut.  

Stutt lýsing á efni áfangans:

Efnistök eru breytileg milli ára og geta nemendur haft áhrif á það sem fjallað er um.

Oftast fjallað um taugakerfið, heilann, svefn, lífeðlisfræði meltingar og ónæmiskerfið.

Lögð er áhersla á vísindalega hugsun og lestur á vísindagreinum kynntur. Einnig komið inn á siðfræði lífvísinda og muninn á vísindum og gervivísindum.

Farið er í eina vettvangsferð í námskeiðinu og gert er ráð fyrir heimsókn vísindamanns í tíma sem segir frá rannsóknum sínum.

Námskeiðið ætti að veita góðan undirbúning fyrir þá sem ætla sér í frekara nám í heilbrigðis- og lífvísindum.

Nokkur lykilhugtök áfangans:

Sjá lýsingu á efni áfangans hér fyrir ofan.

Námsmat:

Tvö áfangapróf verða á önninni. Nemendur vinna nokkur stutt verkefni og kynna ákveðið viðfangsefni fyrir öðrum nemendum.

Ekkert lokapróf er í námskeiðinu.