SÁLF3CR05 - Réttarsálfræði

Kenndur á þriðju hverri önn. Áfanginn hér áður SÁLF3CU - Umhverfis- og réttarsálfræði

Stutt lýsing á áfanganum:

Í þessum áfanga er fjallað um réttarsálfræði og hvernig sálfræðileg þekking er notuð innan réttarkerfisins. Nemendur kynnast helstu kenningum um afbrot og afbrotahegðun. Fjallað er um árásarhneigð, andfélagslega hegðun, áhættuþætti, yfirheyrslur og áreiðanleika minnis. Unnið er með raunveruleg sakamál til að dýpka skilning á hlutverki sálfræðinnar innan réttarkerfisins.

Áhersla er lögð á að auka þekkingu, skilning, virðingu og umburðarlyndi gagnvart einstaklingum. Þá er lögð áhersla á að auka víðsýni nemenda, rökhugsun, sjálfstæð og öguð vinnubrögð. Nemendur þjálfast í vinnslu gagna, að draga fram aðalatriði, greina dæmin og koma þeim skilningi á framfæri.

Nokkur lykilhugtök áfangans: 

Afbrot, áhættuþættir, árásarhneigð, falskar játningar og falskar ásakanir.

Námsmat: 

Tímapróf, ritgerð, skýrsla, verkefni og kynningar.