Inntökuskilyrði tónlistarbrautar

Til að hefja nám á tónlistarbraut skulu nemendur hafa þreytt lokapróf grunnskóla í íslensku, ensku, samfélagsgreinum og stærðfræði. Einkunnir á lokaprófi í íslensku, ensku, samfélagsgreinum og stærðfræði skulu vera B að lágmarki í hverri námsgrein.

Eldri nemendur sem sækja um skólavist eru metnir á grundvelli einkunna úr grunnskóla og áföngum sem þeir hafa lokið í framhaldsskóla.

Nemandi tónlistarbrautar þarf að stunda tónlistarnám til framhaldsprófs í viðurkenndum tónlistarskóla og ljúka framhaldsprófi í síðasta lagi við útskrift úr MH.