Menntaskólinn við Hamrahlíð

Fræðsla um forvarnir og heilbrigða lífshætti hefst í lífsleikniáfanga á fyrstu námsönn. Hún er ennfremur tengd námsefni kjarnaáfanga í félagsfræði og náttúrufræði og er órofa hluti af líkamsræktarkennslu sem nær yfir allan námstímann. Auk fræðslu um fíkniefni og skaðleg áhrif þeirra er komið inn á mataræði, átraskanir, kynlíf, kynsjúkdóma, sjálfsmynd o.fl. Öllum kennurum er ætlað að stuðla að framgangi forvarnastefnunnar.