Á fyrstu önn nemandans er hann/hún sett(ur) í byrjunaráfanga í samræmi við val hans/hennar á námsbraut og aðrar upplýsingar sem hann/hún hefur gefið í umsókn um skólavist.
Námsval nemenda á hverri önn takmarkast einkum af þrennu:
1. Undanfarareglum
2. Brautarkjarna og kjörsviði
3. Áföngum í boði.
Ábendingar um námsval eftir 1.önn
P-áfangar
Nemendum getur gefist kostur á svonefndum P – áföngum, þ.e. áföngum sem þreytt er próf í án þess að sækja reglulega kennslu. Fyrir slíku námi eru eftirfarandi skilyrði:
a) Nemandi, sem á síðastliðinni önn hefur hlotið einkunnina 8, 9 eða 10 í sex einingum hið minnsta að frádregnum þeim einingum sem hann/hún hefur hlotið einkunnina 1, 2 eða 3 fyrir, getur sótt m leyfi til að stunda nám í P – áföngum.
b) Nemandi sem stundar nám á síðustu ( á ólokið í mesta lagi 24 ein.) eða næstsíðustu önn ( á ólokið í mesta lagi 45 ein.) getur einnig sótt um slíkt leyfi. Leyfið takmarkast við einn áfanga á næstsíðustu önn og tvo á síðustu önn nemandans í skólanum. Allt P – nám er háð samþykki áfangastjóra og fagstjóra í viðkomandi grein.
c) P-nemendur skulu hafa samband við fagstjóra í upphafi annar, þ. e. innan frests sem auglýstur er hverju sinni, og standa skil á verkefnum á sama tíma og aðrir nemendur.
d) Samþykktir P- áfangar birtast í Innu og á námsnetinu.
