Í skólanum er boðið upp á breiða almenna menntun á þremur bóknámsbrautum: Málabraut, náttúrufræðibraut,
og félagsfræðabraut. Til að öðlast stúdentspróf frá þessum þremur brautum þarf nemandi að ljúka 140
námseiningum, þar af 8 einingum í líkamsrækt. Nemendur sem útskrifast eftir nám í öldungadeild eru undanþegnir líkamsrækt
og ljúka því 132 einingum.
Námið á hverri braut skiptist í: Kjarna (98 einingar), Kjörsvið (30 einingar) og Frjálst val (12 einingar). Samtals 140 einingar
Samaburður og yfirlit yfir brautarkjarnana þrjá
Félagsfræðabraut - uppbygging brautar
- Á þessari braut er samfélagsgreinum skipað í öndvegi. Brautin býr nemendur undir framhaldsnám í háskóla, einkum á sviði félagsvísinda. Brautin er heppilegur undirbúningur undir margs konar nám í háskóla að undanskildum raunvísindum og verkfræði.
Málabraut - uppbygging brautar
- Brautin veitir m.a. staðgóða þekkingu á ensku og tveimur öðrum nútímamálum samkvæmt vali skólans og nemandans. Brautin er um leið heppilegur undirbúningur hvers konar málanáms á háskólastigi. Einnig hentar þetta nám sem undirbúningur háskólanáms þar sem sérstaklega reynir á kunnáttu í ensku eða öðrum nútímamálum svo sem náms í ýmsum greinum félagsvísinda, heimspeki, almennri bókmenntafræði o.fl. Námið hentar ekki sem undirbúningur undir nám í raunvísindum eða verkfræði.
Náttúrufræðibraut - uppbygging brautar
- Brautin býr nemendur undir framhaldsnám í háskóla í raunvísindum (s.s. líffræði, efnafræði og eðlisfræði), stærðfræði og verkfræði. Brautin veitir m.a. undirstöðuþekkingu í náttúruvísindum og er góður undirbúningur undir nám í heilbrigðisgreinum og landbúnaðarfræðum.
