Námsval nemenda á hverri önn takmarkast einkum af þrennu:
1. Undanfarareglum
2. Brautarkjarna og kjörsviði
3. Áföngum í boði.
Áfangakerfið setur litlar formlegar skorður við því í hvaða röð menn taka námsgreinarnar. Hins vegar er nemendum eindregið ráðlagt að gera í upphafi áætlun um allt námið – og endurskoða síðan eftir þörfum. Til dæmis er brýnt að hefja snemma nám í grein með mörgum skylduáföngum (svo sem ensku eða þriðja máli á málabraut eða stærðfræði á náttúrufræðibraut). Eins er rétt að huga snemma að kjörsviðs- og valáföngum. Suma valáfanga er ekki unnt að stunda fyrr en að loknu talsverðu grunnnámi í viðkomandi námsgrein. Ýmsar valgreinar eru ekki í boði á öllum önnum, og nemandi sem hyggst taka slíka áfanga þarf að taka mið af því í áætlunum sínum. Þegar nær dregur stúdentsprófi og menn fara af alvöru að hugsa fyrir framhaldinu er sjálfsagt að athuga hvort einhverjir þeir valáfangar sem í boði eru henti sem undirbúningur fyrir háskólanám eða starf að loknum menntaskóla. Stundum er á þetta bent í áfangalýsingum hér í Námsvísi en gott er einnig að spyrja deildarstjóra eða kennara ráða í þessu efni.
Til þess að hefja nám í áfanga er skylt að hafa lokið ákveðnu námi. Það kallast undanfari. Um fyrstu áfangana í flestum greinum gildir að nóg er að hafa lokið grunnskólaprófum en þó eru í sumum áföngum gerðar kröfur um undanfara úr öðrum námsgreinum, t.d. er ætlast til að menn hafi lokið nokkru námi í stærðfræði áður en þeir hefja nám í EÐL103. Innan hverrar greinar segir áfangaröðin oftast til um undanfara og t.d. er skylt að hafa lokið ÍSL103 áður en tekið er til við ÍSL203. Í Námsvísi er jafnan tekið fram í lýsingu hvers áfanga hver undanfarinn er. Nemendur eru beðnir að gefa sérstakan gaum að undanfarareglum við val sitt; ef brýna nauðsyn ber til m.t.t. áætlaðra námsloka er unnt að veita undanþágu frá undanfara.
1. Undanfarareglum
2. Brautarkjarna og kjörsviði
3. Áföngum í boði.
Áfangakerfið setur litlar formlegar skorður við því í hvaða röð menn taka námsgreinarnar. Hins vegar er nemendum eindregið ráðlagt að gera í upphafi áætlun um allt námið – og endurskoða síðan eftir þörfum. Til dæmis er brýnt að hefja snemma nám í grein með mörgum skylduáföngum (svo sem ensku eða þriðja máli á málabraut eða stærðfræði á náttúrufræðibraut). Eins er rétt að huga snemma að kjörsviðs- og valáföngum. Suma valáfanga er ekki unnt að stunda fyrr en að loknu talsverðu grunnnámi í viðkomandi námsgrein. Ýmsar valgreinar eru ekki í boði á öllum önnum, og nemandi sem hyggst taka slíka áfanga þarf að taka mið af því í áætlunum sínum. Þegar nær dregur stúdentsprófi og menn fara af alvöru að hugsa fyrir framhaldinu er sjálfsagt að athuga hvort einhverjir þeir valáfangar sem í boði eru henti sem undirbúningur fyrir háskólanám eða starf að loknum menntaskóla. Stundum er á þetta bent í áfangalýsingum hér í Námsvísi en gott er einnig að spyrja deildarstjóra eða kennara ráða í þessu efni.
Til þess að hefja nám í áfanga er skylt að hafa lokið ákveðnu námi. Það kallast undanfari. Um fyrstu áfangana í flestum greinum gildir að nóg er að hafa lokið grunnskólaprófum en þó eru í sumum áföngum gerðar kröfur um undanfara úr öðrum námsgreinum, t.d. er ætlast til að menn hafi lokið nokkru námi í stærðfræði áður en þeir hefja nám í EÐL103. Innan hverrar greinar segir áfangaröðin oftast til um undanfara og t.d. er skylt að hafa lokið ÍSL103 áður en tekið er til við ÍSL203. Í Námsvísi er jafnan tekið fram í lýsingu hvers áfanga hver undanfarinn er. Nemendur eru beðnir að gefa sérstakan gaum að undanfarareglum við val sitt; ef brýna nauðsyn ber til m.t.t. áætlaðra námsloka er unnt að veita undanþágu frá undanfara.
